Zelensky សរសើរ Jonhson​ ថា ជួយច្រើនជាងមេដឹកនាំលោកខាងលិចផ្សេងទៀត តែស្តីឲ្យប្រធានាធិបតីមួយរូបថា ខ្លាចរុស្ស៊ី (មានវីដេអូ)

លោក Volodymyr Zelensky បានសរសើរលោក Boris Johnson ថា បានជួយច្រើនជាងមេដឹកនាំដទៃទៀត ក្នុងការប្រយុទ្ធជាមួយរុស្ស៊ី។

នៅពេលវាយតម្លៃចំពោះការឆ្លើយតបរបស់បណ្តាប្រទេសលោកខាងលិច ប្រធានាធិបតីអ៊ុយក្រែនរូបនេះ និយាយថា គាត់បានទទួលកម្លាំងចិត្តពីជនជាតិអង់គ្លេស។

ពេលសំដៅទៅប្រធានាធិបតីបារាំងវិញ, លោក Zelensky បានចោទប្រកាន់ថា លោក Emmanuel Macron មានការស្ទាក់ស្ទើរក្នុងការបញ្ជូនអាវុធ ពីព្រោះពួកគេខ្លាចរុស្ស៊ី។

លើសពីនេះ ថ្លែងនៅក្នុងទីក្រុង កៀវ លោក Zelensky បានប្រាប់ទស្សនាវដ្ដី Economist ថា ប្រទេសអាល្លឺម៉ង់ កំពុងបង្កកំហុស ដោយព្យាយាមចាត់វិធានការប្រកបដោយតុល្យភាព ព្រោះតែទំនាក់ទំនងសេដ្ឋកិច្ចដ៏ស៊ីជម្រៅរបស់ទីក្រុង បែរឡាំង ជាមួយទីក្រុង មូស្គូ។ លោក Johnson បាន​បង្កើត​ទំនាក់ទំនង​ជិតស្និទ្ធ​ជាមួយ​មេដឹកនាំ​អ៊ុយក្រែន ដោយ​និយាយ​ជាមួយ​គាត់​ស្ទើរតែ​រាល់ថ្ងៃ។

លោក Zelensky បានលើកឡើងនៅក្នុងបទសម្ភាសន៍ថា “ចក្រភពអង់គ្លេសពិតជានៅខាងយើង ហើយមិនធ្វើសកម្មភាពតុល្យភាពទេ”។

ទោះបីជាយ៉ាងណាក៏ដោយ លោកបានបដិសេធបញ្ជាក់ថាតើ ចក្រភពអង់គ្លេសចង់បញ្ចប់សង្រ្គាមនេះឆាប់រហ័សក្នុងវិធីណាមួយឬក៏អត់”។

នៅពេលសួរថាតើនាយករដ្ឋមន្ត្រីអង់គ្លេសមានឆន្ទៈជាងលោក Macron ក្នុងការបញ្ជូនអាវុធដែរឬទេ, លោក Zelensky បានឆ្លើយតបថា “មែនហើយ! និយាយឲ្យត្រង់ទៅ លោក Johnson គឺជាអ្នកដឹកនាំដែលជួយច្រើនជាងគេ។ មេដឹកនាំនៃប្រទេសនានា មានប្រតិកម្មទៅតាមរបៀបដែលអ្នកតំណាងរបស់ពួកគេប្រព្រឹត្ត។ ក្នុងករណីនេះ លោក Johnson គឺជាឧទាហរណ៍មួយ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ ប្រទេស អឺរ៉ុប ចំនួន៧ ហាម ពលរដ្ឋ របស់ខ្លួន មិន ឲ្យទៅ ចូលរួម ប្រយុទ្ធ នៅ អ៊ុយក្រែន