ប្រទេស​​អឺរ៉ុប​ចំនួន៧ ហាម​ពលរដ្ឋ​របស់ខ្លួន មិន​ឲ្យទៅ​ចូលរួម​​ប្រយុទ្ធ​នៅ ​អ៊ុយក្រែន

ប្រទេស​សហភាព​អឺរ៉ុប​ចំនួន​ប្រាំពីរ​ បាន​ជំរុញ​ពលរដ្ឋ​របស់​ពួកគេ​ ឲ្យ​ចៀសវាង​ទៅ​ចូលរួម​ក្នុង​ការ​ប្រយុទ្ធ​ប្រឆាំង​នឹង​ការលុកលុយ​របស់​រុស្ស៊ី​នៅ​ អ៊ុយក្រែន។

ការអំពាវនាវនេះ ត្រូវបានចេញដោយរដ្ឋមន្ត្រីយុត្តិធម៌នៃប្រទេសបារាំង អាល្លឺម៉ង់ ហូឡង់ អេស្ប៉ាញ អ៊ីតាលី លុចសំបួ និងបែលហ្ស៊ិក។

ពួកគេបាននិយាយនៅក្នុងសេចក្តីថ្លែងការណ៍មួយ ដែលចេញផ្សាយបន្ទាប់ពីកិច្ចប្រជុំនៅទីក្រុងព្រុចសែល ថា រដ្ឋមន្ត្រីបានមិនលើកទឹកចិត្តដល់ជនជាតិអឺរ៉ុប ឲ្យចូលរួមក្នុងជួរនៃក្រុមអ្នកប្រយុទ្ធស្ម័គ្រចិត្ត ដែលធ្វើដំណើរទៅកាន់សង្រ្គាមនៅប្រទេសអ៊ុយក្រែន នោះទេ។

បន្ទាប់ពីកងទ័ពរុស្ស៊ី ចូលលុកលុយកាលពីថ្ងៃទី ២៤ ខែកុម្ភៈ, ប្រធានាធិបតីអ៊ុយក្រែនលោក Volodymyr Zelensky បានអំពាវនាវដោយបើកចំហ ឲ្យជនបរទេសមកជួយប្រទេសរបស់គាត់ជាផ្នែកមួយនៃកងពលអន្តរជាតិដែលនឹងរួមប្រយុទ្ធជាមួយ អ៊ុយក្រែន។

នៅថ្ងៃទី ៦ ខែមីនា​ អ៊ុយក្រែនបាននិយាយថា មនុស្សប្រហែល ២០ ០០០ នាក់បានឆ្លើយតបចំពោះការអំពាវនាវរបស់គាត់៕

ប្រែសម្រួល៖ Vann Vann

ប្រភព៖ Barrons

ចុចអាន៖ អ៊ុយក្រែន រំដោះបានទីក្រុងមួយមកវិញ