ក្រោយចូលឆ្នាំ! សម្ដេចតេជោ ណែនាំឲ្យបើកប្រាក់ខែជូនមន្ត្រីរាជការ កងកម្លាំងប្រដាប់អាវុធ មុនកាលបរិច្ឆេទបន្តិច

សម្ដេចតេជោ ហ៊ុន សែន​ នាយករដ្ឋមន្ត្រីនៃកម្ពុជា បានណែនាំឲ្យក្រសួងសេដ្ឋកិច្ច និងហិរញ្ញវត្ថុ បើប្រាក់ខែជូនមន្ត្រីរាជការ និងកងកម្លាំងប្រដាប់អាវុធ ឲ្យបានមុនកាលបរិច្ឆេទបន្តិច ខណៈដែលប្រាក់ខែដែលមន្ត្រីរាជការ និងកងកម្លាំងប្រដាប់អាវុធ បើកមុនចូលឆ្នាំ ត្រូវបានយកទៅចាយអស់ហើយ។

ការណែនាំរបស់សម្ដេចតេជោ ហ៊ុន សែន ខាងលើនេះ បានធ្វើឡើងនៅក្នុងពិធីសម្ពោធសមិទ្ធផលនានា ដែលជាគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញជំហានទី ៤ នាព្រឹកថ្ងៃទី ២០ ខែមេសានេះ។

សម្ដេចតេជោនាយករដ្ឋមន្ត្រី បានថ្លែងយ៉ាងដូច្នេះថា «ឲ្យមានការបើកផ្ដល់នូវប្រាក់ សម្រាប់មន្ត្រីរាជការ កងកម្លាំងប្រដាប់អាវុធ ឲ្យបានមុនកាលកំណត់តិច លឿនជាងមុនតិច ដោយសារអី ដោយសារគាត់អាលុយបើកមុនចូលឆ្នាំ យកទៅ ចាយអស់ហើយ អញ្ចឹងត្រូវបើកមុនបន្តិចទៅៗ វាអត់អីទេ»៕