កីឡា

ក្រសួងការពារជាតិនៅតែរក្សាតំណែងជើងឯក នៃប្រកួតកីឡាការ៉ាតេជើងឯក

បានផុស

៦ years មុន

នៅ

ថ្ងៃចន្ទ ២៦ តុលា ២០២០

ដោយ

ក្លឹបកីឡាការ៉ាតេក្រសួងការពារជាតិ គឺជាក្រុមជើងខ្លាំងលើប្រភេទកីឡាការ៉ាតេ គ្មានក្លឹបមួយណាអាចដណ្តើមជើងឯក នៃព្រឹត្តិការណ៍ការប្រកួតកីឡាការ៉ាតេជ្រើសរើសជើងឯកថ្នាក់ជាតិប្រចាំឆ្នាំ២០២០ ដែលរៀបចំប្រកួតនៅមជ្ឈមណ្ឌលហ្វឹកហាត់កីឡាការ៉ាតេដូ សាកលវិទ្យាល័យភូមិន្ទភ្នំពេញ នោះឡើយ។

ក្នុងឱកាសបិទព្រឹត្តិការណ៍ការប្រកួតកីឡាកីឡាការ៉ាតេ ជ្រើសរើសជើងឯកថ្នាក់ជាតិ ប្រចាំឆ្នាំ២០២០ ឡើយនៅមជ្ឈមណ្ឌលហ្វឹកហាត់កីឡាការ៉ាតេដូសាកលវិទ្យាល័យភូមិន្ទភ្នំពេញ ដោយមានការអញ្ជើញចូលរួមពីសំណាក់លោកអគ្គបណ្ឌិតសភាចារ្យ អូន ព័ន្ធមុនីរ័ត្ន ប្រធានសហព័ន្ធកីឡាការ៉ាតេកម្ពូជា ក្លឹបកីឡាការ៉ាតេក្រសួងការពារជាតិគ្រងតំណែងជើងឯក ដោយដណ្តើមមេដាយសរុបចំនួន២៣គ្រឿង ក្នុងនោះមេដាយមាស១១គ្រឿង មេដាយមាសប្រាក់៨គ្រឿង និងមេដាយសំរិទ្ធ៤គ្រឿង ចំណែកជើងឯករង គឺក្លឺបកីឡាការ៉ាតេក្រសួងមហាផ្ទៃដណ្តើមមេដាយ១៥គ្រឿង ក្នុងនោះមេដាយមាស៨គ្រឿង មេដាយមាសប្រាក់១គ្រឿង និងមេដាយសំរិទ្ធ៦គ្រឿង។

ក្លឹបកីឡាការ៉ាតេក្រសួងសេដ្ឋកិច្ចនិងហិរញ្ញវត្ថុ ដណ្តើមមេដាយ២៧គ្រឿងរួមមានមេដាយមាស៤គ្រឿង មេដាយមាសប្រាក់១៣គ្រឿង និងមេដាយសំរិទ្ធ១០គ្រឿង ក្លឹបកីឡាការ៉ាតេបញ្ជាការដ្ឋានអង្គរក្ស២៤៦ ដណ្តើមេដាយ៩គ្រឿងរួមមានមេដាយមាស៤គ្រឿង និងមេដាយមាសប្រាក់៥គ្រឿង។ ចំពោះក្លឹបកីឡាការ៉ាតេសុវណ្ណភូមិអូឡាំពិក ដណ្តើមមេដាយ៤គ្រឿងរួមមានមេដាយមាស៣គ្រឿង និងមេដាយសំរិទ្ធ១គ្រឿង៕