ព័ត៌មានអន្ដរជាតិ

ចិនថា នាវាចម្បាំងអាមេរិកឆ្លងកាត់ច្រកសមុទ្រតៃវ៉ាន់បង្កហេតុទ្វេដង

បានផុស

៤ years មុន

នៅ

ថ្ងៃពុធ ១១ ឧសភា ២០២២

ដោយ

នៅថ្ងៃពុធ ទី១១ ខែឧសភានេះ យោធារបស់ប្រទេសចិនបាននិយាយថា ខ្លួនបានឃ្លាំមើល និងព្រមាននាវាចម្បាំងអាមេរិកមួយគ្រឿងដែលបានឆ្លងកាត់ច្រកសមុទ្រតៃវ៉ាន់ (Taiwan Strait) ដ៏រសើប ដែលបេសកកម្មបានកើតឡើង បន្ទាប់ពីចិនបានធ្វើសមយុទ្ធនៅជិតកោះ។

កងទ័ពនាវាជើងទឹក Fleet ទី៧របស់អាមេរិកបាននិយាយថា នាវាចម្បាំងដែលមានមីស៊ីលបង្ហាញផ្លូវ USS Port Royal បានធ្វើប្រតិបត្តិជាទម្លាប់ឆ្លងកាត់ច្រកសមុទ្រតៃវ៉ាន់តាមដែនទឹកអន្តរជាតិគឺស្របតាមច្បាប់អន្តរជាតិកាលពីថ្ងៃអង្គារ៍ដែលជាបេសកកម្មលើកទី២ក្នុងរយៈពេល២សប្តាហ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាមេរិកបានកំពុងអនុវត្តសកម្មភាពបែបនេះប្រហែលជាមួយខែម្តងដែលជំរុញឲ្យចិនមានការខឹងសម្បារ និងជាសញ្ញានៃការគាំទ្រកោះតៃវ៉ាន់ដែលខ្លួនចាត់ទុកជាទឹកដីរបស់ខ្លួន។

បញ្ជាការយោធាចិនខាងកើតបាននិយាយក្នុងសេចក្តីថ្លែងការណ៍មួយថា កងកម្លាំងរបស់ខ្លួនបានឃ្លាំមើលនាវាចម្បាំងអាមេរិករហូត និងបានព្រមាន។ ក្នុងសេចក្តីថ្លែងការណ៍និយាយថា ៖«ជារឿយៗ អាមេរិកធ្វើសកម្មភាពបែបនេះ និងបង្កហេតុទ្វេដង បញ្ជូនសញ្ញាខុសទៅកម្លាំងឯករាជ្យតៃវ៉ាន់ ហើយមានចេតនាបង្កើតភាពតានតឹងឆ្លងកាត់ច្រកសមុទ្រតៃវ៉ាន់»។

«កម្លាំងទ័ពរក្សាការប្រុងប្រយ័ត្នខ្ពស់គ្រប់ពេលវេលា ប្រឆាំងដាច់ខាតរាល់ការគំរាមកំហែង និងការញុះញង់ ហើយការពារយ៉ាងម៉ឺងម៉ាត់នូវអធិបតេយ្យភាពជាតិ និងបូរណភាពទឹកដី»។

កងទ័ពនាវាជើងទឹកអាមេរិកបាននិយាយថា នាវាចម្បាំងបានឆ្លងកាត់ច្រករបៀបមួយនៅក្នុងច្រកសមុទ្រតៃវ៉ាន់។ ការឆ្លងកាត់របស់នាវា Port Royal គឺបង្ហាញពីការប្តេជ្ញារបស់អាមេរិកចំពោះតំបន់ឥណ្ឌូ-ប៉ាស៊ីហ្វិកដោយសេរី និងបើកចំហរ»។

ក្រសួងការពារជាតិតៃវ៉ាន់បាននិយាយថា នាវាចម្បាំងអាមេរិកបានឆ្លងកាត់ភាគខាងជើងច្រកសមុទ្រតៃវ៉ាន់ ហើយសកម្មភាពនៅក្នុងផ្លូវទឹកនោះគឺធម្មតា។

កងទ័ពចិនបានធ្វើសមយុទ្រយោធាមួយវគ្គទៀតកាលពីសប្តាហ៍មុននៅជិតកោះតៃវ៉ាន់ដើម្បីធ្វើឲ្យប្រសើរឡើងនូវប្រតិបត្តិការប្រយុទ្ធរួម បន្ទាប់ពីកោះតៃវ៉ាន់បានរាយការណ៍ពីសកម្មភាពបានកើនឡើង៕

ប្រែសម្រួល៖ វីរបុត្រ
ប្រភព៖ Reuters

Related Topics:ប្រទេសចិន