អាមេរិក៖ អ៊ុយក្រែន ត្រូវធានាថា អាវុធនឹងមិនធ្លាក់ដល់ដៃ មនុស្សខុស

រដ្ឋមន្ត្រីការពារជាតិអាមេរិក លោក Lloyd Austin បាននិយាយកាលពីថ្ងៃពុធទី១១ខែឧសភាថា លោកបានជួបជាមួយតំណាងអ៊ុយក្រែន ហើយបានគូសបញ្ជាក់ថា អាជ្ញាធររបស់ប្រទេសអ៊ុយក្រែនត្រូវតែធានាថា សព្វាវុធដែលផ្គត់ផ្គង់ដល់ពួកគេ នឹងមិនធ្លាក់ទៅដៃមនុស្សខុសនោះទេ។

លោក Austin និយាយថា “ខ្ញុំបានសង្កត់ធ្ងន់លើសារសំខាន់នៃការទទួលខុសត្រូវ និងថាតើវាមានសារសំខាន់យ៉ាងណា ក្នុងការធ្វើឲ្យប្រាកដថា ពួកគេកំពុងតាមដាន រៀបចំឧបករណ៍រសើបរបស់យើងដែលត្រូវបានដាក់ពង្រាយ”។

រដ្ឋមន្ត្រីការពារជាតិរូបនេះបានកត់សម្គាល់ទៀតថា ទំនួលខុសត្រូវគឺជាបញ្ហាសំខាន់សម្រាប់ទាំងអស់គ្នា ដោយសារថា ពេលនេះយើងមិនមានមនុស្សនៅត្រួតពិនិត្យផ្ទាល់ទេ ដែលធ្វើឲ្យយើងពិបាកបន្តិច។

លោក Austin បញ្ជាក់ថា លោកបានពិភាក្សាបញ្ហានេះជាមួយរដ្ឋមន្ត្រីការពារជាតិអ៊ុយក្រែន Alexey Reznikov ក្នុងទីក្រុង កៀវ ក៏ដូចជាជាមួយប្រធានាធិបតី Volodymyr Zelensky ផងដែរ ហើយបានកត់សម្គាល់ថា ពួកគេបានធានាចំពោះលោកថា ពួកគេបានផ្តោតលើការតាមដាន និងការពារអាវុធ៕

ប្រែសម្រួល៖ Vann Vann

ប្រភព៖ Sputnik

ចុចអាន៖ លោក Zelensky៖ យើងមិនមានអាវុធគ្រប់គ្រាន់ដើម្បីរំដោះទីក្រុង Mariupol ទេ