ពេជ្រ ចរណៃ ទម្លាយមូលហេតុខ្វះខាតធនធានផលិតវីដេអូផ្សព្វផ្សាយក្បាច់គុនបុរាណ និងវប្បធម៌

តារាសម្តែងស្រី និងជាគ្រូបង្ហាត់ក្បាត់គុណល្បុក្កតោខ្មែរ គឺកញ្ញា ពេជ្រ ចរណៃ បច្ចុប្បន្នក្រៅតែពីការលេចមុខនៅលើវិស័យភាពយន្ត(ខ្មែរ) នាងក៏ជាតារាស្រីមួយរូបដែលចូលរួមយ៉ាងសកម្មក្នុងការលើកស្ទួយវិស័យគុនល្បុក្កតោ វប្បធម៌ អរិយធម៌អក្សរសិល្ប៍ និងអក្សរសាស្រ្តជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សកម្មភាពនេះ តារាស្រី ពេជ្រ ចរណៃ កន្លងមកតែងទទួលបានការសរសើរលើកទឹកចិត្តនិងគាំទ្រច្រើនពីមជ្ឈដ្ឋានមហាជនដែលស្នេហាលើវិស័យភាពយន្ត និងក្បាច់គុណបុរាណខ្មែរ(ល្បុក្កតោ)។ ប៉ុន្តែអ្វីដែលគេកាន់តែចាប់អារម្មណ៍ទៀតនោះ គឺស្រាប់តែនាងទម្លាយមូលហេតុដែលធ្វើឲ្យខ្វះខាតធនធានផលិតវីដេអូផ្សព្វផ្សាយក្បាច់គុនបុរាណខ្មែរ និងវប្បធម៌ព្រោះតែកត្តាមិនទទួលSponsorផ្សព្វផ្សាយគ្រឿងស្រវឹងគ្រប់ប្រភេទ។

តារាសម្តែងកញ្ញា ពេជ្រ ចរណៃ បានប្រកាសដូច្នេះថា ឥទ្ធិពលនៃភាពល្បីល្បាញរបស់យើងអាចទាក់ទាញចិត្តអ្នកគាំទ្រ។​ នេះមិនមែនជាលើកទីមួយទេដែលខ្ញុំមិនទទួលsponsorណាដែលមានផលប៉ះពាល់សង្គម(ជាពិសេស​គ្រឿង​ស្រវឹង​)ជាហេតុដែលធ្វើឲ្យខ្ញុំដើរយឺតខ្វះខាតរៀងពិបាកក្នុងការផលិតវីដេអូផ្សព្វផ្សាយ ពីក្បាច់គុនបុរាណខ្មែរ វប្បធម៌អរិ យធម៌ អក្សរសិល្ប៍ អក្សរសាស្រ្ត ។ល..។

កញ្ញា ពេជ្រ ចរណៃ បន្តទៀតថា ជាក់ស្ដែងរឿង សទ្ធាមាណព វគ្គ២ ដែលជារឿងអប់រំបែបព្រះពុទ្ធសាសនាដែលនឹងត្រៀមចេញថតក្នុងពេលដ៏ខ្លីខាងមុខនេះក្នុងភាគ២នេះមានឈុត,ចម្បាំង ឈុតអ្នកភូមិមានវិវាទនឹងគ្នាលាយឡំជាមួយ​នឹង​ព្រះធម៌អប់រំដ៏ល្អៗជាច្រើន។ តែខ្ញុំក៏កំពុងខ្វះខាតថវិកាក្នុងការផលិតផងដែរ។ បើបានពុកម៉ែបងប្អូនចូលរួមឧបត្ថម្ភម្នាក់បន្តិចខ្ញុំនឹងខិតខំផលិតរឿងអប់រំឲ្យបានកាន់តែច្រើន និងមានគុណភាព។ ពេជ្រ ចរណៃ និយាយបន្ថែមថា បើសិនជាពុកម៉ែបងប្អូនទាំងអស់គ្នាចូលរួមគាំទ្រទាំងអស់គ្នាផង។មានទទួល​sponsored​តាមរយ:លេខទូរស័ព្ទលេខ,096 926 7777/088 5555 815។

សូមបញ្ជាក់ដែរថា តារាសម្តែងកញ្ញា ពេជ្រ ចរណៃ កន្លងមកក៏បានបំផុសដល់យុវជនឲ្យចូលរួមលើកស្ទួយនិងបង្ហាញសិល្បៈវប្បធម៌របស់ខ្មែរទៅកាន់ពិភពលោកតាមរយ:សកម្មភាពនានាដូចជា, ការបង្ហាញនូវក្បា ច់គុនល្បុក្កតោ ,ល្ខោនខោលនិងបង្ហោះរូបភាពស្លៀ កពាក់សំលៀកបំពាក់បុរាណខ្មែរជាដើម៕

អត្ថបទ៖ ចាន់រ៉ា