ព្រឺសម្បុរ! ទំនាយលោកយាយ Baba Vanga សម្រាប់ឆ្នាំ២០២២នេះ ក្លាយជាការពិតមួយទៀតហើយ (មានវីដេអូ)

នេះពិតជារឿងដែលមិនអាចប្រកែកបាន​ ដែលទំនាយរបស់លោកយាយ Baba Vanga សម្រាប់ឆ្នាំ២០២២នេះ បានក្លាយជាការពិតមួយទៀតហើយ។

សមត្ថភាពទស្សន៍ទាយរបស់លោកយាយពិការភ្នែកសញ្ជាតិប៊ុលហ្គារី ត្រូវបានមនុស្សលើសកលលោកកោតសរសើរ ដោយលោកយាយបានទាយត្រូវហេតុការណ៍ធំៗជាច្រើនដូចជាការរំលាយសហភាពសូវៀត, ការវាយប្រហារថ្ងៃទី១១ខែកញ្ញាឆ្នាំ២០០១, ការសោយទិវង្គតរបស់ព្រះនាង Diana និងគ្រោះមហន្តរាយ Chernobyl ជាដើម ពោលគឺអត្រាត្រឹមត្រូវរបស់គាត់គឺមានរហូតដល់ទៅ៨៥ភាគរយឯណោះ។

សម្រាប់ឆ្នាំ២០២២នេះ លោកយាយ Baba Vanga ដែលមានឈ្មោះពិត Vangelia Gushterova បានទស្សន៍ទាយអំពីរឿងរ៉ាវមួយចំនួនដូចជា ការរញ្ជួយដីនិងរលកយក្សស៊ូណាមិ, ជំងឺរាតត្បាត, ខ្វះទឹកផឹក, ការឈ្លានពានរបស់មនុស្សភពផ្កាយ និងរឿងរ៉ាវផ្សេងៗទៀត។

ក្នុងនោះ មានព្រឹត្តិការណ៍ខ្លះហើយដែលបានកើតឡើងស្តែងៗដូចទំនាយរបស់លោកយាយ ដូចជារញ្ជួយដី និងរលកយក្សស៊ូណាមិ នៅមហាសមុទ្រប៉ាស៊ីហ្វិក, ពិភពលោកត្រូវកាន់កាប់ដោយ Virtual Reality (VR) ជាដើម។

ហើយរឿងចុងក្រោយបំផុត ដែលកើតឡើងពិតដូចទំនាយរបស់លោកយាយ Baba Vanga នោះគឺរឿងនៅប្រទេសឥណ្ឌា។

ក្នុងទំនាយ លោកយាយបានទាយថា សីតុណ្ហភាពនៅក្នុងប្រទេសឥណ្ឌានឹងឡើងដល់៥០អង្សាសេ ដែលនឹងធ្វើឲ្យសត្វកណ្តូប វាយប្រហារលើដំណាំ និងដីកសិកម្ម បង្កឲ្យមានគ្រោះទុរ្ភិក្សដ៏សម្បើម។

ចាប់តាំងពីខែមីនាមក រលកកម្តៅ បានវាយប្រហារទូទាំងប្រទេសឥណ្ឌា ដោយសីតុណ្ហភាពឡើងដល់ ៣៨ អង្សាសេនៅកន្លែងខ្លះ ហើយសីតុណ្ហភាពកើនលើស ៤០អង្សាសេនៅក្នុងខែមេសា។

នៅខែឧសភានេះ សីតុណ្ហភាពខ្ពស់បំផុតនៅក្នុងប្រទេសឥណ្ឌាបានឡើងដល់ ៥០ អង្សាសេ ដែលបណ្តាលឲ្យមនុស្សជាច្រើនស្លាប់ដោយសារកម្តៅក្តៅខ្លាំង។ អ្នកស្លាប់ភាគច្រើនគឺជាជនក្រីក្រ ព្រោះកម្មករទាំងនោះត្រូវទ្រាំទ្រធ្វើការទាំងលំបាកក្នុងសីតុណ្ហភាពក្តៅខ្លាំង ដើម្បីប្រាក់។

តើនឹងមានរឿងអ្វីខ្លះទៀតដែលកើតឡើងដូចទំនាយរបស់លោកយាយ Baba Vanga?

ដូច្នេះ មានតែរង់ចាំមើលទាំងអស់គ្នាប៉ុណ្ណោះ!

សូមទស្សនាវីដេអូ៖

អត្ថបទ៖ Vann Vann

ចុចអាន៖ គួរឱ្យខ្លាច ទើបតែដើមឆ្នាំ ទំនាយលោកយាយពិការភ្នែក Baba Vanga ក្លាយជាការពិតមួយហើយ