ព័ត៌មានជាតិ

សម្តេចតេជោ ហ៊ុន សែន ចង់ធ្វើការដោយផ្ទាល់ជាមួយដៃគូបរទេស ដោយមិនចង់ធ្វើការតាមបណ្ដាញសារព័ត៌មានទេ

បានផុស

៤ years មុន

នៅ

ថ្ងៃចន្ទ ១៣ មិថុនា ២០២២

ដោយ

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងយ៉ាងដូច្នេះ គឺនៅក្នុងពិធីចែកសញ្ញាបត្រ ជូនសិស្សសាលាភូមិន្ទរដ្ឋបាលជាង ២ពាន់នាក់ នាព្រឹកថ្ងៃទី ១៣ ខែមិថុនា ឆ្នាំ ២០២២នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចតេជោនាយករដ្ឋមន្ត្រី បានថ្លែងថា «ខ្ញុំចង់ធ្វើការជាមួយគ្នា ដោយមិនចង់ធ្វើការតាមសារព័ត៌មានទេ។ អ្វីដែលខ្ញុំគួរខ្លាចជាមួយដៃគូបរទេស គឺខ្ញុំខ្លាចគេធ្វើការតាមរបៀបធ្វើការ តាមសារព័ត៌មាន»។

សម្តេចតេជោអះអាងថា សម្តេចកំពុងត្រៀមសួរជាមួយមនុស្សម្នាក់ ដែលនឹងជួបសម្តេចនៅខែកក្កដា ខាងមុខ ដែលនិយាយថា អំឡុងពេលប្រយុទ្ធប្រឆាំងនឹងកូវីដ-១៩ កម្ពុជាបានចាប់មនុស្សប្រមាណ ៧០០នាក់។ សម្តេចតេជោ នឹងសួរបុគ្គលរូបនោះថា អ្នកឯងបានព័ត៌មានពីណា? ព្រោះនៅពេលជួបគ្នាតាមវីដេអូ Conference ម្នាក់នោះបាននិយាយម្ដងហើយ។ ប៉ុន្តែសម្តេច បានកែតម្រូវ ស្រាប់តែនៅហ្សឺណែវ បែរជានិយាយទៀត។

សម្តេចតេជោ ហ៊ុន សែន អះអាងថា «បើអ្នកឯងនិយាយថា ខ្ញុំទទួលបានតាមសារព័ត៌មាន ខ្ញុំនឹងចង្អុលមុខអ្នកឯងថា អ្នកឯងមិនទាន់ចេះធ្វើការ។ មានមនុស្ស ៧០០នាក់មកពីណា ដែលត្រូវចាប់ខ្លួន ទាក់ទងច្បាប់ ស្តីពី កូវីដរបស់កម្ពុជា។ ម្នាក់ៗ គិតតែនាំគ្នាសម្រុកទៅចាក់វ៉ាក់សាំង»។

សម្តេចតេជោ ហ៊ុន សែន បានលើកឡើងទៀតថា «ធ្វើការជាមួយគ្នា អាចសួរគ្នាបាន ហេតុអ្វីបានជាយកតាមព័ត៌មាន? អាធុនហ្នឹង ខ្ញុំអត់លេងចូលជាមួយទេ អញ្ចឹងបានខ្ញុំអត់រណបទេ ប្រាប់ឲ្យហើយៗ ការទូតត្រូវតែស្មើភាពគ្នា និយាយគ្នាឲ្យច្បាស់ ពីព្រោះនេះជារដ្ឋអធិបតេយ្យភាព ដែលមានការទទួលខុសត្រូវ។ ឥឡូវអ្នកនិយាយ ប្រជាជនរាប់លាននាក់ចាំតែបះបោរ បោកកងទ័ពរាប់ម៉ឺននាក់រង់ចាំតែបះបោរ ហើយឥឡូវបះពីអង្កាល់ៗ គេនៅឯនេះ គេរក្សាសន្តិភាពរបស់គេ។ តម្លៃនៃសន្តិភាពនេះ វាផ្ដល់ឲ្យយើងគ្រប់យ៉ាង របររកស៊ី រៀនសូត្រ ការបោះឆ្នោតឆ្នោត យើងធ្វើបាន ខ្ញុំចេះតែឆ្ងល់»៕

អត្ថបទ៖ កោះកែវ