ព័ត៌មានអន្ដរជាតិ
កូរ៉េខាងជើង ថា កិច្ចព្រមព្រៀង អាមេរិក-កូរ៉េខាងត្បូង-ជប៉ុន គឺជាផែនការរបស់ក្រុង វ៉ាស៊ីនតោន សម្រាប់ណាតូអាស៊ី
ប្រទេសកូរ៉េខាងជើង បានរិះគន់កិច្ចព្រមព្រៀងនាពេលថ្មីៗនេះរបស់សហរដ្ឋអាមេរិក កូរ៉េខាងត្បូង និងជប៉ុន ស្តីពីការពង្រឹងកិច្ចសហប្រតិបត្តិការយោធា ថាជាមធ្យោបាយមួយដើម្បីសម្រេចបាននូវផែនការរបស់សហរដ្ឋអាមេរិក សម្រាប់សម្ព័ន្ធភាពយោធាដូចជាអង្គការណាតូនៅក្នុងតំបន់។
ទីភ្នាក់ងារសារព័ត៌មានរដ្ឋបានរាយការណ៍នៅថ្ងៃអាទិត្យទី០៣ខែកក្កដានេះ ខណៈអ្នកនាំពាក្យក្រសួងការបរទេសកូរ៉េខាងជើង បានឆ្លើយតបយ៉ាងច្រើនចំពោះសំណួរដែលដាក់ដោយ KCNA។
អ្នកនាំពាក្យនិយាយថា “ការពិតបានបង្ហាញយ៉ាងច្បាស់ថា គោលបំណងពិតប្រាកដរបស់សហរដ្ឋអាមេរិកដែលផ្សព្វផ្សាយពាក្យចចាមអារ៉ាមអំពី ការគំរាមកំហែងពីកូរ៉េខាងជើង គឺជាលេសដើម្បីទទួលបានឧត្តមភាពយោធានៅក្នុងតំបន់អាស៊ីប៉ាស៊ីហ្វិក”។
អ្នកនាំពាក្យដដែលបន្ថែមថា “ស្ថានការណ៍ដែលកំពុងកើតមាន គឺអំពាវនាវឲ្យមានការកសាងការការពាររបស់ប្រទេស ដើម្បីទប់ទល់យ៉ាងសកម្មជាមួយនឹងការធ្វើឲ្យកាន់តែធ្ងន់ធ្ងរនៃបរិយាកាសសន្តិសុខ”។
មេដឹកនាំសហរដ្ឋអាមេរិក កូរ៉េខាងត្បូង និងជប៉ុន បានជួបគ្នាក្រៅកិច្ចប្រជុំកំពូលរបស់អង្គការណាតូកាលពីសប្តាហ៍មុន ហើយបានយល់ព្រមស្វែងរកមធ្យោបាយបន្ថែមទៀត ដើម្បីពង្រឹង ការរារាំង ប្រឆាំងនឹងកូរ៉េខាងជើង៕
ប្រែសម្រួល៖ Vann Vann
ប្រភព៖ Reuters
ចុចអាន៖ កូរ៉េខាងជើង ចោទអាមេរិក ថា កំពុងបង្កើត ណាតូអាស៊ី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង