រឿងរ៉ាវប្លែកៗ ៦​ យ៉ាង ពីសត្វកង់ហ្គូរូ

សត្វកង់ហ្គូរូជាសត្វដែលសម្បូរនៅប្រទេសអូស្ត្រាលី មានចំណុចពិសេសត្រង់វាអាចដាក់កូនចូល ទៅក្នុងហោប៉ាវស្បែកវាដែលគ្មានសត្វណាមានដូចវាទេ ជាពិសេសវាមានតួនាទីយ៉ាងសំខាន់​​ សម្រាប់បរិស្ថាន គឺបង្កើនការលូតលាស់របស់រុក្ខជាតិបៃតង។ សត្វនេះមានជាង៦០ប្រភេទ និងចំនួនប្រមាណ១០.៩លានក្បាលនៅលើពិភពលោក ខាងក្រោមនេះគឹជារឿងដែលយើងមិនសូវដឹងពីវាពីមុនមកទេ៖

១. កង់ហ្គូរូកើតកូនមកដោយគ្មានការឈឺចាប់

សត្វនេះពពោះរយៈតែខ្ទង់៣០ថ្ងៃតែប៉ុណ្ណោះ កូនរបស់វាមានទំហំប៉ុនគ្រាប់សណ្ដែក ដែលមិនបង្កការឈឺចាប់ដល់ម្ដាយពេលសម្រាលណាស់ណាទេ បន្ទាប់ពីកើតវាក៏រស់នៅក្នុងថង់ម្ដាយវារហូតដល់ធំ។

២. កង់ហ្គូរូអាចសម្លាប់មនុស្សបាន

យើងដឹងរួចមកហើយថា សត្វកង់ហ្គូរូមិនស៊ីសាច់ជាអាហារទេ វាស៊ីតែរុក្ខជាតិជាអាហារ ប៉ុន្តែកម្លាំងរបស់វាអាចសម្លាប់មនុស្សបានដោយការដាលជាមួយនឹងក្រចកមុតស្រួចនិងលោតធាក់។ កាលពីឆ្នាំ ២០១៨ សត្វនេះធ្លាប់វាយប្រហារក្រុមគ្រួសារមួយក្រុមនៅប្រទេសអូស្ត្រាលី រដ្ឋ Queensland គឺអ្នកស្រី លីនដាស្មីត ជាអ្នកថែទាំកង់ហ្គូរូនាងត្រូវរបួសសួតយ៉ាងធ្ងន់ធ្ងរ ថែមទាំងបាក់ឆ្អឹងទៀតផង ចំណែកឯប្ដីរបស់នាងវិញរលាត់ស្បែកជាច្រើនកន្លែង និងកូនប្រុសរបួសស្រាល។

៣. កង់ហ្គូរូមិនអាចដើរថយក្រោយ

ដោយសារតែជើងវែង កន្ទុយធំពេកទើបវាមិនអាចដើរបកក្រោយបាននេះគឺជាមូលហេតុដែលសត្វកង់ហ្គូរូជាសត្វតំណាងឲ្យភាពអភិវឌ្ឍន៍ទៅមុខមិនរាថយ។

៤. កង់ហ្គូរូលោតបានខ្ពស់ដល់ទី ៨ម៉ែត្រ

យើងមិនអាចរត់គេចពីការវាយប្រហារបស់វាបាននោះទេ បើវាលោតបានឆ្ងាយដល់ថ្នាក់នេះ របៀបការពារខ្លួនពីវានោះមានតែនៅឆ្ងាយពីវា ឬការពារកុំឲ្យវាវាយប្រហារដល់ស្ថានភាពធ្ងន់ធ្ងរ រហូតដល់មានគេមកជួយ។

៥. កង់ហ្គូរូ្ញញីអាចផ្អាកការពពោះបាន

កង់ហ្គូរូញីអាចផ្អាកការលូតលាស់របស់កូនរហូតដល់ស្ថានភាពមួយដែលវាគិតថាសុវត្ថិភាព សម្រាប់ការសម្រាល ឬចាំកូនធំមួយទៀតឈប់នៅក្នុងថង់សិន។

៦. កូនកង់ហ្គូរូចូលក្នុងថង់ម្ដាយវិញពេលភ័យខ្លាច

កូនហ្គូរូនៅក្នុងថង់រហូតដល់វាចូលលែងចុះទើបវាចេញទៅនៅខាងក្រៅ ដូច្នេះជារឿងធម្មតាទេនៅពេលមានបញ្ហាវាតែងតែរត់ចូលទៅនោះដើម្បីការពារខ្លួន៕

ប្រែសម្រួល៖វារី

ចុចអាន៖សត្វ ៧ ប្រភេទ មានទម្លាប់ចូលចិត្តស៊ីកូនខ្លួនឯងជាអាហារ

ចុចអាន៖ការពិតដ៏គួរឲ្យភ្ញាក់ផ្អើលទាំង ៩ ពីសត្វឃ្មុំ គ្រប់គ្នាអាចមិនដឹងសោះ