ជីវិតកម្សាន្ដ

នាយ ក្រូច បណ្តុះកូនស្រីឲ្យដើរតាមគន្លងសិល្បៈ

បានផុស

៤ years មុន

នៅ

ថ្ងៃចន្ទ ១១ កក្កដា ២០២២

ដោយ

អ្នកគាំទ្រកំពុងនាំគ្នាចាប់អារម្មណ៍ក្រោយ ពេលតារាកំប្លែងល្បីឈ្មោះនាយ ក្រូច បានបង្ហាញមុខកូនស្រីរបស់ខ្លួន ដែលមានវ័យពេញក្រមុំយ៉ាងស្រស់ស្អាត។ ម្យ៉ាងទៀងរឿងដែលគេកាន់តែនឹក ស្មានមិនដល់នោះគឺកូនស្រីនាយ ក្រូច ថែមទាំងមានដុងសិល្ប:ទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តួយ៉ាងថ្មីៗនេះនាយ ក្រូច កាន់តែពញ្ញាក់អារម្មណ៍របស់អ្នកគាំទ្រថែមទៀត បន្ទាប់ពីឃើញលោកបានទម្លាយរូបភាពកូនស្រីជាទីស្រឡាញ់របស់ខ្លួន នៅលើបណ្តាញសង្គមឲ្យមហាជនបានឃើញគ្រប់គ្នា។ កូនស្រីរបស់តារាកំប្លែងនាយ ក្រូច ក៏ត្រូវបានគេដឹងថា មានដុងក្នុងវិស័យសិល្បៈផងដែរ ខណៈនាយ ក្រូច កំពុងខិតខំបណ្តុះកូនស្រី ដើម្បីចេញរកលុយក្នុងអាជីពសិល្បៈសព្វថ្ងៃ។

បើតាមការបញ្ជាក់ឲ្យដឹងពីនាយក្រូច ក្នុងនាមជាឪ ពុកបាននិយាយប្រាប់ថាកូនស្រីសំណព្វចិត្តរបស់លោកមានឈ្មោះ បឿន សុបុនបញ្ញា។ ខណៈពេលនេះលោកក៏បានដឹកដៃកូនស្រីចេញរកលុយជាមួយគ្នា ក្នុងកម្មវិធីមង្គលការ ដែលនាងមានជំនាញផ្នែករាំរបាំអបអរក្នុងកម្មវិធីមង្គលនោះផងដែរ។ យ៉ាងមិញនាយ ក្រូច មិនទាន់បញ្ជាក់ទេថា កូនស្រីលោកមានអាយុប៉ុន្មានទេ។

សូមបញ្ជាក់ដែរថា នាយក្រូច គឺជាតារាកំប្លែងស្ថិតក្នុងក្រុមនាយ ពែកមី ដ៏មានប្រជាប្រិយភាពមួយរូប ដែលទទួលបានការស្រឡាញ់គាំទ្រខ្លាំងពីមជ្ឈដ្ឋានមហាជនគ្រប់យុវវ័យ។ បច្ចុប្បន្នទេពកោសល្យកំប្លុកកំប្លែងរបស់នាយ ក្រូច កាន់តែទទួលបានការគាំទ្រ និងទាញការចាប់អារម្មណ៍គាំទ្រពីមហាជនជាច្រើនទាំងក្នុងនិងក្រៅប្រទេស៕