សម្ដេចតេជោ ហ៊ុន សែន ប្រកាសអរគុណដៃគូនយោបាយរបស់សម្ដេច

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសអរគុណសត្រូវ ឬដៃគូនយោបាយរបស់សម្ដេច ពីព្រោះដោយសារពួកគេទើបផ្ដល់ឱកាសឲ្យសម្ដេច ខិតខំធ្វើយ៉ាងម៉េចដើម្បីឈ្នះពួកគេ។

នៅក្នុងពេលអញ្ជើញទទួលសញ្ញាបត្របណ្ឌិតកិត្តិយសផ្នែកអភិវឌ្ឍន៍ ពីសាកលវិទ្យាល័យភូមិន្ទភ្នំពេញ នាព្រឹកថ្ងៃទី ៥ ខែសីហានេះ សម្ដេចតេជោ ហ៊ុន សែន បានមានប្រសាសន៍ថា ដោយសារតែពួកគេទើ​បផ្ដល់ឱកាសឲ្យសម្ដេច ខិតខំធ្វើយ៉ាងម៉េចដើម្បីឈ្នះពួកគេ ឬក៏សម្ដេចគួរធ្វើយ៉ាងម៉េច ដើម្បីកុំឲ្យពួកគេបំផ្លាញសន្តិភាព និងការអភិវឌ្ឍប្រទេស។

សម្ដេចតេជោ ហ៊ុន សែន បានថ្លែងបន្តថា «ខ្ញុំគួរតែអរគុណអ្នកឯង ដែលអ្នកឯងបានផ្ដល់ឱកាសឲ្យខ្ញុំ ប្រុងប្រយ័ត្នចំពោះអ្នកឯង តាមរយៈនៃការប្រុងប្រយ័ត្នចំពោះអ្នកឯង ហើយដែលផ្ដល់ឱកាសខ្ញុំសិក្សាបន្ថែម ដកពិសោធន៍អំពីល្បិចកលរបស់អ្នកឯង និងដើម្បីទប់ទល់ចំពោះអ្នកឯងសំដៅការពារនូវសន្តិភាព ស្ថិរភាពនយោបាយ និងការពារជីវិតរបស់ប្រជាជនកម្ពុជា»៕

អត្ថបទ៖ ឃួន សុភ័ក្រ