ការអភិវឌ្ឍ​ទំនប់ស្ទាក់ទឹក​ដូនទ្រី​យឺតយ៉ាវតែជាសមិទ្ធផលល្អដាច់គេក្នុងប្រទេស​​

ទំនប់ស្ទាក់ទឹកដូនទ្រី ស្ថិតនៅស្រុករុក្ខគិរី ខេត្តបាត់ដំ​បង កំពុងសាងសង់ក្រោមកិច្ចសហការរវាងភាគីកូរ៉េ និងក្រសួងធនធានទឹក និងឧតុនិយមសម្រេចបាន ៦០ ភាគរយ ហើយគ្រោងបញ្ចប់នៅឆ្នាំ ២០២៤។

លោក ឡុង ផលគុណ ប្រធានមន្ទីរធនធានទឹក និងឧតុនិយមខេត្តបាត់ដំបងមានប្រសាសន៍ថា អាងទឹកដូនទ្រី មានការអភិវឌ្ឍយឺតយ៉ាវបន្តិច​ក៏ប៉ុន្តែសមិទ្ធផលដែលទទួលបានហើយគឺ​ពិតជាមានការល្អប្រសើរជាងគេបង្អស់​។

លោកថា អាងទឹកដូនទ្រី រហូតមកដល់ឥឡូវសម្រេចបានការសាងសង់ក្នុងរង្វង់ ៦០ ភាគរយ​ ហើយគ្រោងបញ្ចប់នៅឆ្នាំ ២០២៤។

លោក ឡុង ផលគុណ​ «ប្រព័ន្ធនេះគឺជាប្រព័ន្ធស្វ័យប្រវត្តិទំនើបបំផុត​បើនិយាយនៅក្នុងប្រទេសអត់ទាន់នា គឺយើងលុងភ្នំតែម្ដង យកភ្នំធ្វើទំនប់ ចោះភ្នំយកទឹក»។

គម្រោងទំនប់ស្ទាក់ទឹកដូនទ្រី បានចាប់ផ្ដើមសាងសង់នៅឆ្នាំ ២០១៨ ហើយក្រោយបញ្ចប់អាចគ្រប់គ្រងលើផ្ទៃដី ៤ ម៉ឺនហិកតា ដែលមានលទ្ធភាពស្តុកទឹកបាន ១៣៦ លានម៉ែត្រគូប។ បច្ចុប្បន្ននៅខ្វះទឹក ដោយសារមិនទាន់បញ្ចប់ការសាងសង់ហើយបើបញ្ចប់នោះលែងខ្វះទឹកហើយ៕

អត្ថបទ៖ ឡេង ដេត