មកស្គាល់គ្រូបង្វឹកដំបូងដែលនាំឱ្យក្រុម BLACKPINK ពូកែរាំដូចបច្ចុប្បន្ន

ក្រុម BLACKPINK មិនត្រឹមតែជាក្រុមចម្រៀងដ៏មានទេពកោសល្យនោះទេ សូម្បីក្បាច់រាំរបស់ក្រុមនេះ ក៏លេចធ្លោខ្លាំងមិនធម្មតា ហើយសមត្ថភាពពូកែបែបនេះ គឺដោយសារតែកាលពីពេលចូលសិល្បៈដំបូងៗ សមាជិកទាំង៤ មានគ្រូបង្វឹករាំដ៏ស្ទាត់ជំនាញម្នាក់។

មុនពេលបង្ហាញខ្លួនជាផ្លូវការ កាលពីឆ្នាំ២០១៦ ក្រុម BLACKPINK ត្រូវបានបង្ហាត់រាំពីអ្នកគ្រូ Kim Hee Jung ឬរហ័ស្សនាម “Potato Teacher” ។ អ្នកគ្រូ Kim Hee Jung កើតនៅឆ្នាំ១៩៧៩ គឺជាអ្នករាំនៅក្នុងក្រុមរាំដ៏ល្បីរបស់ផលិតកម្ម YG Entertainment Crazy Girls ។

រយៈពេលដែលសមាជិកទាំង ៤ បានទទួលការបង្វឹកពី Kim Hee Jung ពួកគេនិយាយដូចៗគ្នាថា គាត់ជាគ្រូដែលមានភាពតឹងរ៉ឹងខ្លាំង ធ្វើឱ្យសិស្សខ្លាចគ្រប់គ្នា។ ពេលខ្លះ គាត់ថែមទាំងសម្លុត BLACKPINK ខ្លាំងៗ មិនខ្លាចថាសមាជិកក្រុមរត់ចោលជួរឡើយ។ មិនត្រឹមតែតែប៉ុណ្ណោះ Jennie ធ្លាប់យំ ដោយសារអ្នកគ្រូស្ដីឱ្យទៀតផង។

ទោះបីជានិយាយយ៉ាងនេះក្ដី ហើយទោះអត្តចរិតអ្នកគ្រូ Kim Hee Jung តឹងរ៉ឹងយ៉ាងណា ប៉ុន្តែ BLACKPINK សុទ្ធតែថា ពួកនាងរីកចម្រើនយ៉ាងឆាប់រហ័ស ​ក្នុង​រយៈ​ពេល​ដ៏​ខ្លី​។ ដោយសារមានគាត់ជាគ្រូដំបូង ពួកនាងបានក្លាយជាអ្នករាំអាជីពដូចសព្វថ្ងៃ។

បច្ចុប្បន្ន Kim Hee Jung និងសមាជិក BLACKPINK ទាំងអស់ មិនត្រឹមតែរក្សាទំនាក់ទំនងល្អរវាងគ្រូនិងសិស្សនោះទេ ប៉ុន្តែពួកគេរាប់អានគ្នាប្រៀបដូចបងប្អូន ហើយតែងតែបង្ហោះរូបជាមួយគ្នាលើបណ្ដាញសង្គម Instagram ជាញឹកញាប់៕

ប្រែសម្រួល៖ សន្យា

ចុចអាន៖ Jennie សម្ដែងជាតួអង្គស្រឡាញ់ភេទដូចគ្នា ក្នុងភាពយន្តហូលីវូដដំបូងរបស់ខ្លួន