លោក ប្រាយុទ្ធ ត្រឡប់ចូលបំពេញការងារវិញហើយ

នាយករដ្ឋមន្ត្រីថៃលោក ប្រាយុទ្ធ ចាន់អូចា នៅថ្ងៃចន្ទនេះបានធ្វើដំណើរទៅកាន់ទីស្តីការក្រសួងមហាផ្ទៃ ដើម្បីដឹកនាំកិច្ចប្រជុំស្តីពីការគ្រប់គ្រងស្ថានការណ៍ទឹកជំនន់តាមរយៈ Video Conference ជាមួយលោក អានុផុង ផៅចិន្តា រដ្ឋមន្ត្រីក្រសួងមហាផ្ទៃ និងអភិបាលខេត្តទូទាំងប្រទេស ។

ទន្ទឹមនោះ វាគឺ​ជាថ្ងៃដំបូងនៃ​ការត្រឡប់ចូលបំពេញការងារវិញ​របស់លោក ប្រាយុទ្ធ បន្ទាប់​ពី​ត្រូវបាន​ផ្អាក​ពី​តួនាទីជានាយករដ្ឋមន្ត្រី​អស់​រយៈ​ពេល ៣៨ ​ថ្ងៃ ។

ដោយឡែកនៅថ្ងៃទី៤ ខែតុលា លោក ប្រាយុទ្ធ នឹងបន្តចុះទៅតំបន់ដែលរងគ្រោះដោយសារទឹកជំនន់នៅខេត្ត Ubon Ratchathani ដើម្បីតាមដានស្ថានភាពទឹកជំនន់ ។

គួរបញ្ជាក់ថា នៅខេត្ត Ubon Ratchathani ទឹកជំនន់បានជន់លិចស្រុកចំនួន ៨ ដោយក្នុងនោះបែងចែកជា ១០៩ សហគមន៍ និងកន្លែងស្នាក់នៅបណ្តោះអាសន្នចំនួន ៦៩ ទីតាំង ៕

ប្រែសម្រួលដោយ ៖ គង់ សំអាន

ប្រភព ៖ The Reporters

ចុចអាន ៖ បាតុករប្រឆាំងលោក ប្រាយុទ្ធ ប្រមូលផ្ដុំគ្នាស្លៀកពាក់ពណ៌ខ្មៅ ទាមទារ​បណ្ដេញនាយករដ្ឋមន្ត្រី