អ្នកគាំទ្រផ្ទុះកំហឹង ក្រោយ YouTuber ពីរនាក់ យកបទ BLACKPINK ទៅច្រៀងផ្លែផ្កា (មានវីដេអូ)

អ្នកគាំទ្ររបស់ក្រុមចម្រៀង BLACKPINK ខឹងសម្បារយ៉ាងខ្លាំងទៅលើឆានែល YouTube មួយដែលមានឈ្មោះថា TwoSet Violin ដែលបានយកបទ “Shut Down”ទៅច្រៀងត្រាប់ ដោយបង្កប់ខ្លឹមសារចំអកមាក់ងាយទៅលើសមាជិកទាំង៤រូប។

ឆានែល TwoSet Violin គឺជាឆាណែល​តន្ត្រី និង​កំប្លែង ​ដែល​មាន​អ្នក​លេង​វីយូឡុងជនជាតិ​អូស្ត្រាលី លោក Brett Yang និងលោក Eddy Chen ជាអ្នកផលិតវីដេអូបង្ហោះ។ អ្នក​ទាំង​ពីរ​ត្រូវ​បាន​ទស្សនិកជនចាត់ទុកជាតារាដ៏​មានប្រជាប្រិយភាព​ ​សម្រាប់​ការ​សម្ដែងវីដេអូកំប្លែង​ និងការលេងតន្ត្រី​ ​នៅ​លើ​ឆានែល YouTube របស់​ពួក​គេ​។

ទោះយ៉ាងណា វីដេអូរបស់ពួកគេចុងក្រោយនេះ បានបង្កឱ្យ BLINKs ផ្ទុះកំហឹងយ៉ាងខ្លាំង ព្រោះវីដេអូចម្រៀងបទ “Sell Out” ដែល ​Parody ពីបទ “Shut Down” មានអត្ថន័យឌឺដងផ្លែផ្កាដល់ក្រុមចម្រៀង BLACKPINK ។

ក្នុង​បទ​ចម្រៀង​នេះ អ្នក​ទាំង​ពីរ​បាន​ប្រើ​ពាក្យពេជន៍បណ្តុះបង្អាប់ BLACKPINK និងបានបង្ហាញកាយវិការមាក់ងាយដូចជា ឈុតមានរូបក្បាលខ្មោច ៤ រួមជាមួយទៀន ៤ដើម និងឈុតដឹកឆ្កែ ៤ក្បាល។ល។ ដែលសុទ្ធសឹងចង់សំដៅដល់សមាជិកទាំង ៤រូប។

ក្រោយបទ “Sell Out” ចេញផ្សាយ BLINKs និយាយថា បទនេះធ្វើឡើងក្នុងន័យជាន់ពន្លិចតារា K-pop និងបង្ហាញពីការប្រមាថក្រុម BLACKPINK ដោយត្រង់ៗ ដើម្បីឱ្យក្រុមនេះឆាប់រំសាយចោល។

សូមទស្សនាវីដេអូខាងក្រោម!

ប្រែសម្រួល៖ សន្យា

ចុចអាន៖ តាមពិត Lisa យកឆ្កែផ្ទាល់ខ្លួនមកថត MV ព្រោះចេតនាសំខាន់មួយ

ចុចអាន៖ Ma Dong-seok រៀបការមួយឆ្នាំហើយ គ្មានអ្នកដឹងទាល់តែសោះ

ចុចអាន៖ BLACKPINK នឹងសម្ដែងក្នុងព្រឹត្តិការណ៍ Music Festival ដ៏ធំនៅ អង់គ្លេស