អាមេរិក កំពុងធ្វើការជាមួយក្រុមហ៊ុនបច្ចេកវិទ្យាធំៗដើម្បីតានដាន “ព័ត៌មាន​មិនពិត” លើបណ្ដាញសង្គម

បើយោងតាមឯកសារផ្ទៃក្នុងរបស់នាយកដ្ឋានសន្តិសុខមាតុភូមិ (DHS) បានឲ្យដឹងថា រដ្ឋាភិបាលសហរដ្ឋអាមេរិកកំពុងធ្វើការសហការគ្នាជាមួយវេទិកាប្រព័ន្ធផ្សព្វផ្សាយសង្គមធំៗដើម្បីត្រួតពិនិត្យ “ព័ត៌មានមិនពិត” តាមអ៊ីនធឺណិត ។

ទន្ទឹមនោះ សារព័ត៌មាន The Intercept បានរាយការណ៍ថា DHS ក៏គ្រោងនឹងបន្តតាមដានមាតិកាពាក់ព័ន្ធនឹងជំងឺកូវីដ ១៩ ការរើសអើងជាតិសាសន៍ និងការគាំទ្ររបស់សហរដ្ឋអាមេរិកសម្រាប់អ៊ុយក្រែនផងដែរ ។

ក្រុមហ៊ុនបច្ចេកវិទ្យា ដូចជា Twitter, Facebook, Reddit, Discord, Wikipedia, Microsoft និង LinkedIn បានជួបប្រជុំជារៀងរាល់ខែជាមួយ FBI និងទីភ្នាក់ងាររដ្ឋាភិបាលផ្សេងទៀត ពោលទាំងមុនពេល និងចាប់តាំងពីការបោះឆ្នោតឆ្នាំ ២០២០ មកម្ល៉េះ ខណៈ Facebook ថែមទាំងបង្កើត Link ពិសេសមួយសម្រាប់ដកអ៊ីមែលក្លែងក្លាយមិនឲ្យចូលប្រើផងដែរ ។

ដំណើរការនេះក៏ត្រូវបានគូសបញ្ជាក់ផងដែរនៅក្នុងអ៊ីមែលរវាងមន្ត្រី DHS, Twitter និងមជ្ឈមណ្ឌល NGO សម្រាប់សន្តិសុខអ៊ីនធឺណិត ខណៈរដ្ឋាភិបាលអាមេរិកបានអំពាវនាវឲ្យវេទិកាបច្ចេកវិទ្យារាយការណ៍ និងផ្តល់ការឆ្លើយតបទាន់ពេលវេលា ដើម្បីរួមបញ្ចូលទាំងការដកចេញនូវព័ត៌មានមិនពិតជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ អាមេរិក បញ្ជាក់ជាថ្មីរឿងថា រុស្ស៊ី ត្រៀមប្រើអាវុធនុយក្លេអ៊ែរនៅ អ៊ុយក្រែន