ជីវិតកម្សាន្ដ

តារាស្រី ថៃ ១០ រូប អ្នកគាំទ្រសរសើរពេញៗមាត់ថា ពេញចិត្តការសម្ដែងខ្លាំង

បានផុស

៤ years មុន

នៅ

ថ្ងៃពុធ ១៦ វិច្ឆិកា ២០២២

ដោយ

ផ្អែកតាមការស្រាវជ្រាវ ពីសារព័ត៌មានកម្សាន្តនៅប្រទេសថៃ ខាងក្រោមនេះគឺជាតារាសម្ដែងស្រីៗទាំង ១០ ដែលមានទស្សនិកជននិយាយច្រើនជាងគេបំផុតក្នុងឆ្នាំនេះ។

ក្នុងនោះម្នាក់ៗកំពុងសាងកេរ្តិ៍ឈ្មោះតាមរយៈភាពយន្តភាគ និងចម្រៀងរបស់ខ្លួន រហូតហ្វេនពេញចិត្តនិងស្រលាញ់ហើយសរសើរពេញៗមាត់ថា ពេញចិត្តការសម្ដែងខ្លាំងរបស់ពួកគេជាខ្លាំង។

១ Yaya Urassaya

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្មីៗនេះ Yaya Urassaya បានបង្ហាញការសម្តែងដ៏អស្ចារ្យរបស់នាងនៅក្នុងរឿងភាគថ្មី “The Kinnaree Conspiracy” ជាមួយនឹងមិត្តប្រុស Nadech Kugimiya ។ តារាសម្ដែងរូបនេះ ជាតារាសម្ដែងប្រជាជនថៃលើកឡើងពីឈ្មោះនិងសម្រស់នាងច្រើនជាងគេនៅដើមខែវិច្ឆិកា។

២ Mai Davika

Mai Davika កំពុងថតរឿងថ្មី “Ruk Rai” ជាមួយតារាសម្ដែង Mew Suppasit និង Jes Jespipat ខណៈភាពយន្តនេះមិនទាន់ចាក់ផ្សាយនូវឡើយ។ ប៉ុន្តែឈ្មោះរបស់នាង ត្រូវបានមហាជនលើកឡើងលើបណ្ដាញដូចគ្នា។

៣ Bella Ranee

តាមពីក្រោយ Mai Davika គឺតារាសម្ដែង Bella Ranee ដែលចូលមកក្នុងបញ្ជីជាមួយចំណាត់ថ្នាក់លេខ ៣ ខណៈនាងទើបតែចេញរឿង “បុព្វេសន្និវាស២” ជាមួយតារាសម្ដែង Pope Thanavat។

៤ Cris Horwang

ភាពយន្ត “The Root” ជាមួយនឹងការសំដែងរបស់ Cris Horwang កំពុងចាក់ផ្សាយលើកញ្ចក់ទូរទស្សន៍ថៃ TV3។រឿងនេះទទួលបានការគាំទ្រយ៉ាងខ្លាំង ពីទស្សនិកជននៅប្រទេសថៃ។ ជាលទ្ធផល នាងបានជាប់ចំណាត់ថ្នាក់លេខ ៤ ជាតារាត្រូវបានទស្សនិកជនសាទរ និងគាំទ្រខ្លាំង។

៥ Kimmy Kimberley

ទោះមិនមានរឿងភាគចេញផ្សាយដូចតារាផ្សេងៗ តែងាកមកជីវិតខាងក្រៅរបស់ Kimberley នាងហាក់ទទួលបានប្រជាប្រិយខ្លាំងក្លាមិនធម្មតាឡើយ។ ក្នុងនោះហ្វេនក្នុងប្រទេសពេញចិត្តការសម្ដែងរបស់នាងជាខ្លាំង ហើយចង់ឲ្យ Kim ចេញរឿងភាគថ្មីឆាប់ផងដែរ។

៦ Nychaa Nuttanicha

ទើបតែបញ្ចប់ការសម្ដែងរឿង Retribution មិនទាន់បានប៉ុន្មានផង កេរ្តិ៍ឈ្មោះរបស់នាងកាន់តែឡើងស្រឺតៗដូចគ្នាផងដែរ។ យ៉ាងណាមិញ Nychaa ក៏មានសមត្ថភាពសម្ដែងខ្លាំងមិនធម្មតាឡើយ នាងអាចសម្ដែងបានទាំងតួកាចនិងឆ្នាស់ឆ្នើម រហូតហ្វេនពេញចិត្តលើរូបនាងជាខ្លាំង។

៧ Baifern Pimchanok

ងាកមកតារាស្រីរាងតូចច្រឡឹងនេះវិញ មួយរយៈនេះនាងហាក់បង្ហាញសកម្មភាពដំណើរកម្សាន្តញឹកញាប់ណាស់។ ជាពិសេស Baifern តែងបង្ហាញពីរូបភាពសិចស៊ីពីថ្ងៃវិស្សមកាលរបស់នាងជានិច្ច។ ដូច្នេះហើយ ទោះមិនមានរឿងភាគថ្មីៗដូចគេ តែអ្នកគាំទ្រនៅតែពេញចិត្តការសម្ដែងរបស់នាងដូចគ្នា។

៨ Mew Nittha

អ្នកម្ដាយកូន១ Mew Nittha ក៏នៅតែកើនប្រជាប្រិយភាពដដែល ទោះបីជារៀបការមានកូនហើយក្ដី។ ជាពិសេសរឿងភាគផ្សេងៗក៏កំពុងតម្រង់មករកនាងដូចគ្នា។

៩ Prim Chanikarn

Prim ចូលប្រឡូកក្នុងវិស័យសិល្បៈពេលនាងមានអាយុ១០ឆ្នាំ ដោយចូលរួមក្នុងរឿងភាគរឿង “Timeline” និង “Chiang Khan Story” ក្នុងឆ្នាំ២០១៤។

១០ Tu Tontawan

Tu ជាតារាស្រករក្រោយ ទើបប្រលូកក្នុងវិស័យសម្ដែងនោះទេ ប៉ុន្តែនាងក៏មានប្រជាប្រិយភាពខ្លាំងដូចរៀមច្បងខាងលើដែរ។ នាងជាតារាបង្ហាញម៉ូដ និងជាតារាសម្ដែងថៃមួយរូបក្នុងផលិតកម្ម GMMTV ខណៈបងប្រុសរបស់នាងគឺជាតារាសម្តែង Tonhon Tantivejakul ដែលជាសិល្បករនៅក្រោមផលិតកម្ម Nadao Bangkok ៕

ប្រែសម្រួល៖ សាង ស្រីល័ក្ខ

ចុចអាន៖តារាសម្ដែងប្រុស ៧ រូប នៅ Single មកទល់ពេលនេះ

Related Topics:ប្រទេសថៃ តារាថៃ

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា