ជីវិតកម្សាន្ដ

សុភ័ក្ត្រ កុសុម៉ា ឆ្លើយតបភ្លាមៗ ក្រោយមានការលើកឡើងថា តារាលំដាប់អភិជន

បានផុស

៤ years មុន

នៅ

ថ្ងៃអង្គារ ២២ វិច្ឆិកា ២០២២

ដោយ

កត់សម្គាល់ថា សម្រាប់ទីផ្សារសិល្បៈរបស់ពិធីការិនី និងជាតារាចម្រៀងកញ្ញា សុភ័ក្ត្រ កុសុម៉ា សព្វថ្ងៃកំពុងទទួលបានការគាំទ្រ និងឱកាសចេញកើបលុយមិនចាញ់តារាសិល្បៈឯទៀត ឬមិត្តភ័ក្ដិរួមជំនាន់ឡើយ។ ប្រការនេះ ទើបត្រូវបានគេយល់ថា នាងមិនទាន់មាននរណាប្រជែងបានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមគ្នា នៃភាពជោគជ័យនេះ ក៏ស្រាប់តែមានមតិមួយចំនួនបានយល់ថា សុភ័ក្ត្រ កុសុម៉ា គឺជាតារាស្រីមួយរូបលំដាប់អភិជន ខណៈថ្មីៗនេះ ក៏មានការចុះផ្សាយនិយាយពីជីវិតឯកជនរបស់នាង ក្រោយពេលតារាស្រីរូបនេះចាយលុយរាប់ម៉ឺនដុល្លារ ដើម្បីទិញរថយន្តស៊េរីថ្មីផ្គាប់ចិត្តខ្លួន បង្កការចាប់អារម្មណ៍ដល់អ្នកគាំទ្រ និងមិត្តភ័ក្ដិរួមអាជីពសិល្បៈ។

ឆ្លើយតបជុំវិញរឿងរ៉ាវខាងលើនេះត្រូវបានសាមីខ្លួនពិធីការិនី សុភ័ក្ត្រ កុសុម៉ា បាននិយាយហាក់អស់សំណើចដែលថា នាងជាតារាលំដាប់អភិជន។

បើតាមរយៈសំណេរខ្លីរបស់តារាស្រី សុភ័ក្ត្រ កុសុម៉ា បាននិយាយថា បងអើយ អភិជនអី បើខ្ញុំអភិជនមែន អ៊ីចឹងហ្វេនខ្ញុំឡើងកាលីបអភិជនហ្វេនហើយ។

បន្ទាប់ពីឃើញពិធីការិនីសម្បូរវោហារស័ព្ទមិនចេះរឹងស្ងួតកញ្ញា សុភ័ក្ត្រ កុសុម៉ា និយាយដូច្នេះ ភ្លាមៗនោះ គេឃើញអ្នកគាំទ្រ និងមិត្តភ័ក្ដិសិល្បៈមួយចំនួនចូលទៅបញ្ចេញមតិ ដោយក្នុងនោះលោក សុគន្ធ ថេរ៉ាយុ បានលើកឡើងថា មានប្អូនស្រីជាអភិជនហើយខ្ញុំ។ តបទៅវិញ កុសុម៉ា បាននិយាយថា ពុទ្ធោបងខ្ញុំចំណូលរាប់លានក្នុងមួយខែ បងខ្ញុំមិនដែលអួតថាខ្លួនអភិជនផង ទម្រាំប្អូន។

យ៉ាងណាមិញ ពិធីការិនីសម្បុរស្រអែមស្រស់ កញ្ញា សុភ័ក្ត្រ កុសុម៉ា ត្រូវបានអ្នកគាំទ្រចាត់ទុកថា នាងជាអ្នកសិល្បៈម្នាក់ដែលកំពុងទទួលបានជោគជ័យទាំងជីវិតហ៊ឺហាឯកជនខាងក្រៅ ក៏ដូចជាក្នុងអាជីពសិល្បៈបច្ចុប្បន្ន៕

អត្ថបទ ៖ ចាន់រ៉ា