ជីវិតកម្សាន្ដ

ស្ងាត់ៗ នាយក្រូច ឡើងគេហដ្ឋានថ្មីយ៉ាងស្កឹមស្កៃតម្លៃខ្ទង់សែនដុល្លារ

បានផុស

៤ years មុន

នៅ

ថ្ងៃព្រហស្បតិ៍ ២៤ វិច្ឆិកា ២០២២

ដោយ

ស្របពេលជោគជ័យលើវិថីសិល្បៈ តារាកំប្លែងនាយក្រូច ព្រឹកមិញ បានធ្វើឲ្យមហាជនចាប់អារម្មណ៍ និងភ្ញាក់ផ្អើលគ្រប់គ្នា ខណៈលោកប្រកាសពិធីឡើងគេហដ្ឋានថ្មីតម្លៃរាប់សែនដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅលើទំព័រហ្វេសប៊ុករបស់តារាកំប្លែងនាយក្រូច នាព្រឹកថ្ងៃសិរីសួស្ដីឡើងគេហដ្ឋានថ្មីនេះដែរ បានបង្ហោះសារទាំងអារម្មណ៍រំភើបថា កម្មពិធី សែនក្រុងពាលី និងហែជំនូនកាត់ខ្សែបូលាបជ័យសិរីសួស្ដី សូមឲ្យហេងៗ។ អគុណបងប្អូនអ៊ំពូមីងយាយតាទាំងអស់គ្នា។

នាយក្រូច បន្តថា ដល់ថ្ងៃជួបជុំគ្នាហើយបងប្អូន ថ្ងៃទី ២៤.១១.២០២២ ថ្ងៃឡើងគេហដ្ឋានថ្មីរបស់ខ្ញុំ អរគុណបងប្អូន សុំលាភសុំជ័យ ហេងមហាហេង។

ជាមួយគ្នានេះដែរ គេឃើញមានមហាជន និងអ្នកគាំទ្រជាច្រើន បានសម្ដែងការចូលរួមអបអរនាឱកាសថ្ងៃជោគជ័យសិរីសួស្ដីពិធីឡើងគេហដ្ឋានថ្មីដ៏ស្កឹមស្កៃរបស់តារាកំប្លែងនាយក្រូច ផងដែរ។

បើតាមការបង្ហើប ផ្ទះថ្មីរបស់នាយក្រូច ដែលទើបសង់រួចរាល់នេះ គឺមានតម្លៃរហូតខ្ទង់សែនដុល្លារឯណោះ។

សូមបញ្ជាក់ដែរថា នាយក្រូច គឺជាតារាកំប្លែងស្ថិតក្នុងក្រុមនាយ ពែកមី ដ៏មានប្រជាប្រិយភាពមួយរូប ដែលទទួលបានការស្រឡាញ់គាំទ្រខ្លាំងពីមជ្ឈដ្ឋានមហាជនគ្រប់យុវវ័យ។