ជីវិតកម្សាន្ដ

Nine Naphat ហ៊ានធ្វើរឿងមួយដល់ Baifern ក្រោយទើបតែសារភាពស្នេហ៍

បានផុស

៤ years មុន

នៅ

ថ្ងៃសៅរ៍ ៣ ធ្នូ ២០២២

ដោយ

តារាសម្ដែង Nine Naphat បន្ទាប់ពីមានព័ត៌មានថា លោកបានសារភាពស្នេហ៍ទៅកាន់ Baifern មហាជនជាច្រើនហាក់មានការភ្ញាក់ផ្អើលជាខ្លាំង និងថែមទាំងចូលរួមអបអរដល់ទំនាក់ទំនងរបស់អ្នកទាំងពីរទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងថ្មីៗនេះ Nine Naphat បានបង្ហោះសារមួយលើ Instagram បង្ហាញពីសកម្មភាពដែលខ្លួនបានធ្វើ បន្ទាប់ពីសារភាពថាចូលចិត្ត Baifern ពោលគឺឈានទៅមុខដើម្បីធ្វើបុណ្យអង្គុយសមាធិដោយសរសេរខេបសិនថា “ខ្ញុំទើបតែបញ្ចប់ការអង្គុយសមាធិបាន១ម៉ោង ខ្ញុំសូមសម្ដែងនូវសេចក្ដីស្រឡាញ់ សេចក្ដីមេត្តាករុណា និងសេចក្ដីប្រាថ្នាល្អ និងភាពរួសរាយរាក់ទាក់ចំពោះមនុស្សគ្រប់គ្នា ដោះលែងពីជំរុំនៃទុក្ខព្រួយទាំងអស់ និងស្វែងរកសុភមង្គលពិត រឿងនេះគឺសម្រាប់ Baifern ”។

សូមជម្រាបថាឧស្សាហកម្មថៃមានការភ្ញាក់ផ្អើលជាខ្លាំង បន្ទាប់ពី Nine Naphat បានប្រកាសប្រាប់អ្នកសារព័ត៌មានថា ខ្លួនបានទូរស័ព្ទសារភាពស្នេហ៍ទៅកាន់ Baifern Pimchanok ខណៈមិត្តភក្តិបងប្អូនក្នុងវិស័យសិល្បៈ និងអ្នកគាំទ្រស្រែកហ៊ោឡើងថាអបអរ ហើយនៅតែរង់ចាំខាងស្រីចេញមកបើកចិត្តថា ត្រូវធ្វើយ៉ាងណាបន្តទៀតប៉ុណ្ណោះ៕