ជីវិតកម្សាន្ដ

ចំណុចខុសគ្នារវាងអ្នកប្រើប្រាស់បណ្ដាញសង្គមនៅខ្មែរ និងក្រៅប្រទេស ត្រូវអ្នកនាង ខាត់ សុឃីម លើកមកវែកញែក

បានផុស

៣ years មុន

នៅ

ថ្ងៃចន្ទ ៥ ធ្នូ ២០២២

ដោយ

ដោយមើលឃើញពីឥរិយាបថខុសគ្នារវាងអ្នកប្រើប្រាស់បណ្ដាញសង្គមហ្វេសប៊ុកនៅក្នុងស្រុកខ្មែរ និងក្រៅប្រទេស តារាស្រីពហុជំនាញអ្នកនាង ខាត់ សុឃីម បានលើកប្រៀបធៀបបង្ហាញដល់អ្នកគាំទ្រ។

អ្នកនាង ខាត់ សុឃីម បានលើកឡើងថា អ្នកលេងបណ្ដាញសង្គមហ្វេសប៊ុកភាគច្រើន អ្នកដែលខមមិននៅស្រុកខ្មែរ ខុសពីអ្នកខមមិនស្រុកគេ។ ហេតុអ្វីបានថាអ្នកខមមិននៅស្រុកខ្មែរខុសពីស្រុកគេ ព្រោះអ្នកខមមិនស្រុកគេ ទោះបីគេដឹងហើយ ឮហើយ ប៉ុន្តែគេអត់មានសមត្ថភាពអាចធ្វើបានទេ ដោយសារការជួយលើកទឹកចិត្ត។ ឧទាហរណ៍ថា បុគ្គលម្នាក់នោះពិកា អត់មានដៃទាំងពីរ ហើយអាចធ្វើការងារបាន គឺស្រុកគេនាំគ្នាជួយលើកទឹកចិត្តបន្ថែម។

អ្នកនាង ខាត់ សុឃីម បានបន្តទៀតថា ចំណែកអ្នកខមមិននៅស្រុកខ្មែរមួយចំនួន បើសិនឃើញគ្នាអត់ដៃទាំងពីរអញ្ចឹងហើយ ហើយទៅធ្វើការ ឬរាំ បែរជានាំគ្នាបញ្ចេញមតិ(Comment) បំបាក់ទឹកចិត្តពួកគាត់ទៅវិញ នេះសម្រាប់បុគ្គលមួយចំនួននៅស្រុកខ្មែរ។ នាងថា វាមិនខុសអីដែលគេលើកផ្ទាំង.សមួយផ្ទាំងមកគូរចំកណ្តាល ហើយសួរថា មានឃើញអ្វីឬអត់?។ ត្រង់ចំណុចនេះភាគច្រើនគឺមើលឃើញតែចំណុចខ្មៅបន្តិចហ្នឹង ចំណែកផ្ទាំង.ស ដ៏ធំ គឺមើលមិនឃើញទេ។

អ្នកនាង ខាត់ សុឃីម បានសរុបមកវិញថា ត្រង់ហេតុផលខាងលើនេះហើយ ទើបអ្នកនាងសូមសំណូមពរថា មុននិងធ្វើការរិះគន់ ឬវាយប្រហារគ្នារឿងអ្វីមួយនៅតាមបណ្ដាញសង្គមហ្វេសប៊ុក ត្រូវតែពិចារណាឲ្យបានដិតដល់ជាមុនសិន។ ម្យ៉ាងទៀត ត្រូវមើលសាច់រឿងនោះឲ្យគ្រប់ជ្រុងជ្រោយសិនចាំធ្វើការវាយតម្លៃ៕

អត្ថបទ ៖ ចាន់រ៉ា