បវរកញ្ញារងទី១ Miss Universe 2021 ត្រៀមចូលរោងការជាមួយសេដ្ឋីអាយុលើសនាង ៣១ឆ្នាំ

ម្ចាស់ជយលាភីរងទី១ Miss Universe 2021 បវរកញ្ញា Nadia Ferreira កំពុងលរ៉ូបរៀបការ ត្រៀមចូលរោងជ័យជាមួយមិត្តប្រុសដែលមានអាយុលើសខ្លួន ៣១ឆ្នាំ នោះគឺតារាច្រៀង Marc Anthony ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកគាំទ្រវិស័យសម្រស់ពិភពលោកកំពុងចូលរួមអបអរម្ចាស់ជយលាភីលំដាប់រងទី១ បវរកញ្ញាចក្រវាល ឆ្នាំ២០២១ ដោយសារតែមិនយូរទៀតទេ បវរកញ្ញារូបនេះនឹងកាន់ដៃគូស្នេហ៍ដែលជាតារាចម្រៀងល្បីឈ្មោះ និងជាសេដ្ឋីប្រាក់វាល់លានមួយរូប ចូលរោងការហើយ។

កាលពីខែឧសភា ឆ្នាំ២០២២ បវរកញ្ញា Nadia Ferreira ធ្លាប់ធ្វើឱ្យអ្នកគាំទ្រផ្ទុះការចាប់អារម្មណ៍ម្ដងរួចមកហើយ ក្រោយពេលនាងបង្ហាញចិញ្ចៀនដៃនាង ដែលមានតម្លៃប្រហែល ៥០ម៉ឺនដុល្លារ។ នៅលើផេកផ្ទាល់ខ្លួនរបស់បវរកញ្ញាវ័យ ២៣ឆ្នាំរូបនេះ នាងបានបង្ហោះរូបថតចាប់ដៃជាមួយមិត្តប្រុស ដោយដាក់ Caption ថា “ពិធីភ្ជាប់ពាក្យ” ដែលកាលណោះធ្វើឲ្យទស្សនិកជនច្បាស់ថា អ្នកទាំងពីរនឹងរៀបការឆាប់ៗ ប៉ុន្តែតាំងពីពេលនោះនាងបែរជារក្សាស្ងៀមស្ងាត់ពីមហាជន និងបណ្តាញសារព័ត៌មាន រហូតពេលនេះ ទើបធ្លាយវីដេអូ Nadia ទៅលរ៉ូបរៀបការជាមួយនឹងម្ដាយ។

ដោយឡែកចំពោះគូដណ្តឹងរបស់ Nadia គឺលោក Marc Anthony អាយុ ៥៤ឆ្នាំ ជាតារាចម្រៀងប្រុស និងជាម្ចាស់បទល្បីជាច្រើន ក៏ដូចជាធ្លាប់ឈ្នះពានរង្វាន់ Grammy ជាច្រើនផងដែរ។ បច្ចុប្បន្នលោកជាសេដ្ឋីមួយរូបដែលកាន់កាប់ទ្រព្យសម្បត្តិសុទ្ធប្រមាណ ៨០-៩០លានដុល្លារ។ យ៉ាងណាមិញ លោក Marc Anthony ជាបុរសពោះម៉ាយដែលមានអាយុបង Nadia រហូតដល់ ៣១ឆ្នាំ ហើយលោកធ្លាប់រៀបការ៣ដងរួចមកហើយ ខណៈម្នាក់ក្នុងចំណោមអតីតភរិយាទាំង៣ គឺតារាចម្រៀង Jennifer Lopez។ ក្រោយទទួលដំណឹងរៀបការ អ្នកទ្ររបស់បវរកញ្ញា Nadia នាំគ្នាអបអរយ៉ាងព្រោងព្រាតផងដែរ៕

ប្រែសម្រួល៖ សន្យា

ចុចអាន៖ ដឹងចំណូលប្រចាំថ្ងៃរបស់កំពូលតារាបង្ហាញម៉ូដ Cara ម្នាក់ៗសឹងដាច់ផ្ងារ