មកភ្លក់និងមកទទួលភាពសប្បាយរីករាយជាមួយកម្មវិធី Phnom Penh Gin & Tonic Festival 2022

តើអ្នកត្រៀមខ្លួនហើយឬនៅ? ចូលរួមភ្លក់ និងទទួលយកភាព​សប្បាយរីករាយជាមួយកម្មវិធី Phnom Penh Gin & Tonic Festival 2022 ដែលប្រព្រឹត្តិទៅនៅថ្ងៃទី ១០-១១ ខែធ្នូ ឆ្នាំ ២០២២ នេះ នៅ ODOM Garden។

ព្រឹត្តិការណ៍មិនធ្លាប់មាន ដែលរៀបចំឡើងដោយ Fever-Tree Cambodia នេះ មានការចូលរួមសហការ ជាមួយ Gin និង Tonic ដ៏ល្បីៗចំនួនប្រាំ គឺ Tanqueray, Seekers, Baigur, Mawsim, និង Stranger & Sons ដើម្បីបង្កើតព្រឹត្តិការណ៍ដ៏អស្ចារ្យនេះឡើង។ បើតាមការឲ្យដឹងពី DJ Mike ដែលជាអ្នករៀបចំកម្មវិធីបានឲ្យដឹងថា ព្រឹត្តិការណ៍នេះ គឺប្រព្រឹត្តិឡើងដើម្បីបើកសម្ពោធ Fever Tree ដំបូងគេនៅក្នុងប្រទេសកម្ពុជា និងរីករាយជាមួយ Gin និង Tonic ហើយអ្វីដែលកាន់តែពិសេសទៀតនោះ គឺការបង្ហាញបារ Fever-Tree Bar ដំបូងគេបង្អស់ក្នុងតំបន់ ដែលមានទីកន្លែងធំទូលាយ ព្រមទាំង Gin និង Tonic ដែលនាំចូលជាច្រើនប្រភេទមិនថាជាតិ និងអន្តរជាតិ។

ទន្ទឹមនឹងនេះ លោកអ្នកក៏អាចចូលរួមទិញនិងភ្លក់ Gin និង Tonic ហើយនិងអាហារឆ្ញាញ់ៗជាច្រើនមុខ។ លើសពីនោះកម្មវិធីនេះ ក៏មានការប្រគំតន្ដ្រីកំដរ ការប្រកួតក្រឡុកស្រា ការបិទភ្នែកភ្លក់ Gin និងការល្បែងកម្សាន្ដជាច្រើន ដើម្បីបង្កើតការចងចាំដ៏ល្អសម្រាប់អ្នកដែលបានចូលរួម។ កម្មវិធី Phnom Penh Gin & Tonic Festival 2022 នឹងបើកឲ្យចូលរួមដោយសេរីចាប់ពីម៉ោង ១១ ព្រឹក រហូតដល់ម៉ោង ១០ យប់ ថ្ងៃទី ១០ ដល់ ១១ ខែធ្នូនេះ នៅ ODOM Garden៕