ព័ត៌មានអន្ដរជាតិ
នាយករដ្ឋមន្រ្តីសិង្ហបុរីទទួលការចាក់វ៉ាក់សាំងកូវីដក្រុមហ៊ុន Pfizer-BioNTech (មានវីដេអូ)
នាយករដ្ឋមន្រ្តីសិង្ហបុរី Lee Hsien Loong បានទទួលការចាក់ដូសដំបូងនៃវ៉ាក់សាំងកូវីដរបស់ក្រុមហ៊ុន Pfizer-BioNTech នៅថ្ងៃសុក្រ ទី៨ ខែមករា ហើយបានក្លាយជាសមាជិកដំបូងនៃគណៈរដ្ឋមន្រ្តីរបស់ប្រទេសសិង្ហបុរីដែលបានចាក់វ៉ាក់សាំងកូវីដ ១៩ ។
លោក Lee បានទទួលការចាក់វ៉ាក់សាំងនេះរួមជាមួយបុគ្គលិកមន្ទីរពេទ្យសិង្ហបុរី (SGH) នៅពេលបើកការចាក់វ៉ាក់សាំងជាផ្លូវការសម្រាប់បុគ្គលិកសុខាភិបាល ។
ស្ថាប័នថែទាំសុខភាពសាធារណៈរួមទាំងមន្ទីរពេទ្យផ្សេងទៀតនឹងចាប់ផ្តើមចាក់វ៉ាក់សាំងសម្រាប់បុគ្គលិករបស់ពួកគេនៅថ្ងៃសុក្រ ។ SGH បានប៉ាន់ប្រមាណថា ប្រហែលជា ៩០ នាក់នៃបុគ្គលិករបស់ខ្លួននឹងចាក់វ៉ាក់សាំងនៅថ្ងៃដំបូង ខណៈការចាក់វ៉ាក់សាំងក៏នឹងមិនគិតថ្លៃសម្រាប់ប្រជាជនសិង្ហបុរី និងអ្នករស់នៅរយៈពេលវែងនៅក្នុងប្រទេសសិង្ហបុរីផងដែរ ។
ការដាក់ឲ្យប្រើប្រាស់ជាផ្លូវការនេះធ្វើឡើង បន្ទាប់ពីការសាកល្បងខ្នាតតូចមួយនៅមជ្ឈមណ្ឌលជាតិសម្រាប់ជំងឺឆ្លងដែលមានបុគ្គលិកចំនួន ៤០ នាក់បានទទួលការចាក់វ៉ាក់សាំងនៅថ្ងៃទី ៣០ ខែធ្នូ ។
ថ្លែងទៅកាន់អ្នកយកព័ត៌មាននៅឯ SGH លោក Lee បាននិយាយថា លោករីករាយដែលបានឃើញការចាប់ផ្តើមនៃចាក់វ៉ាក់សាំងដល់បុគ្គលិកសុខាភិបាល និងបុគ្គលិកជួរមុខ ។
លោកបាននិយាយថា “ខ្ញុំបានយកឱកាសនេះដើម្បីចាក់វ៉ាក់សាំងខ្លួនខ្ញុំផ្ទាល់ ហើយឥឡូវនេះខ្ញុំបានធ្វើវារួចហើយ ហើយក្រោយការចាក់ ៣០ នាទីគ្មានអ្វីកើតឡើងនោះទេ ។ ខ្ញុំទទួលបានកាត ហើយខ្ញុំនឹងត្រឡប់មកវិញក្នុងរយៈពេល ៣ សប្តាហ៍ទៀត ។ វាមិនឈឺចាប់ទេ វាមានប្រសិទ្ធភាព ហើយវាសំខាន់ណាស់” ។
គួរបញ្ជាក់ថា វ៉ាក់សាំងកូវីដក្រុមហ៊ុន Pfizer-BioNTech ត្រូវបានអនុម័តដោយប្រទេសសិង្ហបុរីកាលពីចុងឆ្នាំមុន ហើយការដឹកជញ្ជូនលើកដំបូងបានមកដល់នៅថ្ងៃទី ២១ ធ្នូ ។ វ៉ាក់សាំងនេះតម្រូវឲ្យចាក់ ២ ដូសក្នុងរយៈពេល ២១ ថ្ងៃ ហើយវានឹងចំណាយពេល ១៤ ថ្ងៃទៀត បន្ទាប់ពីការចាក់លើកទី ២ ដើម្បីទទួលបានការការពារជាអតិបរមាប្រឆាំងនឹងវីរុស ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ សិង្ហបុរីចាប់ផ្តើមយុទ្ធនាការចាក់វ៉ាក់សាំងកូវីដ ហើយ
ចុចអាន ៖ សិង្ហបុរីរកឃើញអ្នកឆ្លងកូវីដបម្លែងខ្លួនប្រភេទថ្មី បន្ថែម

-
ព័ត៌មានអន្ដរជាតិ២ ថ្ងៃ ago
ពលរដ្ធថៃ រត់ប្រសាចគ្នា ក្រោយបាក់ទំនប់បាវខ្សាច់ លិចក្រុងសុខោទ័យភ្លាមៗ
-
ព័ត៌មានអន្ដរជាតិ២ ថ្ងៃ ago
ចិន ច្រានចោលព័ត៌មានក្លែងក្លាយរបស់ថៃ ដែលថាខ្លួនផ្តល់អាវុធថ្មីដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ៧ ថ្ងៃ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានអន្ដរជាតិ៤ ថ្ងៃ ago
អាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា
-
ព័ត៌មានអន្ដរជាតិ៤ ថ្ងៃ ago
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
-
ព័ត៌មានអន្ដរជាតិ៦ ម៉ោង ago
មេភូមិភាគ២ថៃ ចេញឃ្លិបថា នៅមានជីវិត តែវីដេអូដូចខុសប្រក្រតី និងចម្លែក
-
ព័ត៌មានអន្ដរជាតិ១ សប្តាហ៍ ago
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា