ជីវិតកម្សាន្ដ

ចូលឆ្នាំ ២០២៣ ! មាស នីតា ក្រសោបបានទីផ្សារសិល្បៈពេញដៃ បំពេញតាមក្ដីស្រមៃរបស់ខ្លួន

បានផុស

២ years មុន

នៅ

ថ្ងៃអង្គារ ១០ មករា ២០២៣

ដោយ

តារាចម្រៀង និងជាអតីតបេក្ខភាពកម្មវិធីប្រឡងចម្រៀងលំដាប់ថ្នាក់ពិភពលោកកញ្ញា មាស នីតា ថ្វីត្បិតមិនអាចក្តាប់បានឱកាសក្លាយជាម្ចាស់ពានក៏ពិតមែន តែបច្ចុប្បន្ន នីតា កំពុងមានទីផ្សារការងារច្រើនស្ទើររកពេលសម្រាកគ្មាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា មាស នីតា ធ្លាប់បានប្រកាសកន្លងមកថា ទោះបីមិនបានកាន់ពាន តែពេលនេះក្ដីស្រមៃរបស់ នាងបានក្លាយជាការពិតហើយ។ នាងនិយាយថា ខ្លួននៅតូច តែក្ដីស្រមៃធំ គិតថា ចង់ក្លាយជាអ្នកចម្រៀងមានបងប្អូនស្គាល់ និងស្រលាញ់ចូលចិត្តច្រើន ឥឡូវនេះគ្រប់យ៉ាងជាការពិតទាំងអស់ ដោយខ្ញុំមិនបានស្រមៃទៀតទេ។

ផ្ដល់សម្ភាសន៍ជាមួយកម្ពុជាថ្មី តារាចម្រៀងមានប្រវត្តិកម្សត់ មាស នីតា បានប្រាប់ថា ចាប់តាំងពីចប់ការប្រឡងមក សម្រាប់សិល្បៈមានការមមាញឹកច្រើន ក្នុងនោះក៏ទទួលបានការគាំទ្រពីមហាជន និងមិត្តៗយុវវ័យគ្រប់បណ្ដាខេត្ត-ក្រុងផងដែរ។ នីតា បន្តថា ចំណុចទាំងនេះបានធ្វើឲ្យសិល្បៈ និងសមត្ថភាពនាងកាន់តែមានការរីកចម្រើនគួរឲ្យកត់សម្គាល់។

កញ្ញា មាស នីតា និយាយទៀតថា បើសម្រាប់ឆ្នាំថ្មី ២០២៣ នេះ ឱកាសការងារសិល្បៈរបស់នាងកាន់តែមមាញឹកខ្លាំងថែមទៀត ទាំងការចេញច្រៀងតាមបណ្ដាខេត្ត និងកម្មវិធីតូច-ធំនានា។ នាងថា ខ្ញុំពិតជាអរគុណសម្រាប់ការគាំទ្រ និងលើកទឹកចិត្តកន្លងមករបស់មហាជនដែលធ្វើឲ្យខ្ញុំសម្រេចក្តីស្រមៃមកដល់ថ្ងៃនេះ៕

អត្ថបទ ៖ ចាន់រ៉ា