ស្ងាត់ៗ Kanye West រៀបការជាមួយនារីថ្មីចោល Kim 

ទើបតែលែងលះគ្នាមិនទាន់បានមួយឆ្នាំផង មានគេប្រទះឃើញ Kanye បណ្ដើរគូស្នេហ៍ថ្មីទៅហើយ ។ មិនតែប៉ុណ្ណោះ ថែមទាំងលេចឮដំណឹងថា បានរៀបការនឹងគ្នាទៀតផង ។ 

យោងតាមប្រភពច្បាស់លាស់ដែលពាក់ព័ន្ធនឹងគូស្នេហ៍មួយគូនេះបានឲ្យដឹងថា ស្ត្រីនោះគឺ Bianca Censori មកពីប្រទេសអូស្ត្រាលី នាងធ្វើការជាអ្នករចនាស្ថាបត្យកម្មនៅ Yeezy អស់រយៈពេលជាច្រើនឆ្នាំមកហើយ ។ ដើមឡើយនាងជាមនុស្សស្រីសក់ពណ៌ត្នោតទេ ប៉ុន្តែក្រោយមក Bianca ប្ដូរពណ៌សក់ទៅជាលឿងធ្វើឲ្យគ្រប់គ្នាយល់ច្រឡំថានាងជាប្រភេទមនុស្សស្រីសក់មាស ។ ប្រភពដដែលនេះបានបញ្ជាក់ប្រាប់ថា Kanye និង Bianca ធ្វើពិធីរៀបការបន្តិចបន្តួចមិនច្បាស់ថាមានច្បាប់អនុញ្ញាត ឬយ៉ាងណាឡើយ ។ យ៉ាងណាក្ដី Kanye នៅតែចាត់ទុកនាងដូចជាប្រពន្ធស្របច្បាប់ទៅហើយ សូម្បីតែចេញបទចម្រៀងក៏ដាក់ឈ្មោះនាងដែរគឺ “Censori Overload” ។

ជាក់ស្ដែង Kanye និង Bianca ត្រូវគេប្រទះឃើញកំពុងញ៉ាំអាហារ និងជជែកគ្នាលេងនៅឯ Waldorf កាលពីដើមសប្តាហ៍ ។ ទោះបីយើងមិនសូវឃើញពួកគេនៅជាមួយគ្នា ប៉ុន្តែនាងនឹងចូលរួមកម្មវិធីជាច្រើននាថ្ងៃខាងមុខនេះជាមួយ Kanye ៕

ប្រែសម្រួលដោយ ៖ វារី

ចុចអាន ៖ បរាជ័យជីវិតគូ ៣ដង ពេលនេះ Kim Kardashian ប្រកាសចង់រៀបការម្ដងទៀត

ចុចអាន ៖ Kanye West សារភាពថា ញៀនសិច និងចូលចិត្តមើលរឿងអាសអាភាស ក្រោយលែងលះជាមួយភរិយា