បរាជ័យជីវិតគូ ៣ដង ពេលនេះ Kim Kardashian ប្រកាសចង់រៀបការម្ដងទៀត

ទោះបីជាធ្លាប់ឆ្លងកាត់ចំណងអាពាហ៍ពិពាហ៍ចំនួន ៣ដងហើយក្ដី ពេលនេះតារាបង្ហាញម៉ូដវ័យ ៤២ឆ្នាំ Kim Kardashian បានប្រកាសជាសាធារណៈ ចង់រៀបការម្ដងទៀត បើសិនជា​បានជួបស្នេហ៍ពិត។

Kim បានទម្លាយអារម្មណ៍របស់ខ្លួនក្នុងកម្មវិធី Podcase Goop របស់ Gwyneth Paltrow ថា ខ្លួនមានអារម្មណ៍ចង់រៀបការយ៉ាងខ្លាំង ដោយសារតែមិត្តភក្តិរបស់នាងទាំងអស់សុទ្ធតែមានស្វាមី សាងគ្រួសារយ៉ាងកក់ក្ដៅ។ ថ្វីត្បិតធ្លោយមាត់និយាយបែបនេះក្ដី ប៉ុន្តែសេដ្ឋីនីរូបនេះសង្កត់ធ្ងន់ថា នាងរៀបការលុះត្រាតែបានជួបស្នេហ៍ពិត ហើយពេលនេះសុំនៅលីវមួយរយៈសិន។

គួរបញ្ជាក់ថា Kim Kardashian ធ្លាប់រៀបការចំនួន ៣លើក ដែលលើកទី១ នាងរៀបការជាមួយផលិតករលោក Damon Thomas (២០០២-២០០៤)។ លើកទី២ Kim រៀបការជាមួយតារាបាល់បោះ Kris Humphries (ខែតុលា ឆ្នាំ២០១១) ហើយអ្នកទាំងពីរបានលែងលះបន្ទាប់ពីរួមរស់ជាមួយគ្នាបានត្រឹមតែ ៧២ថ្ងៃ។ ចំណែកអាពាហ៍ពិពាហ៍ទី៣ គឺជាមួយតារាចម្រៀងរ៉េប Kanye West ដោយអ្នកទាំងពីរបានបញ្ចប់ទំនាក់ទំនងប្ដីប្រពន្ធ នៅឆ្នាំ២០២១ បន្ទាប់ពីរស់នៅជាមួយគ្នាបាន ៦ឆ្នាំ និងមានកូន ៤នាក់៕

ប្រែសម្រួល៖ សន្យា

ចុចអាន៖ កំពូលអ្នកច្នៃម៉ូដ Dame Vivienne Westwood ទទួលមរណភាពក្នុងអាយុ ៨១ ឆ្នាំ