ដឹងកាន់តែច្បាស់ពីសួនច្បារពុលនៅ អង់គ្លេស អាចឲ្យមនុស្សដួលសន្លប់

សួនច្បារពុលជាផ្ទះនៃរុក្ខជាតិពុលជាង ១០០ប្រភេទ បង្កើតឡើងក្នុងឆ្នាំ ២០០៥ និងបើកជាសាធារណៈនៅសួន Alnwick ស្រុក Northumberland ប្រទេសអង់គ្លេស ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្វីដែលអ្នកសង្កេតឃើញមុនគេពេលទៅដល់គឺផ្លាកសញ្ញាមួយដាក់ថា “These plants can kill” មានន័យថា រុក្ខជាតិទាំងនេះអាចសម្លាប់បាន ដូច្នេះមុននឹងចូលទៅគេតម្រូវឲ្យអ្នកដឹងពីវិន័យ និងព័ត៌មានខ្លះៗទាក់ទងនឹងការការពារសុវត្ថិភាពផ្ទាល់ខ្លួន ។ អ្នកចូលទស្សនាត្រូវបានហាមពីការប៉ះ ភ្លក់ ហិតក្លិនរុក្ខជាតិពុលព្រោះកន្លងមកមានអ្នកដួលសន្លប់នៅនឹងកន្លែងច្រើនគ្នាមកហើយ ។ 

ក្នុងចំណោមរុក្ខជាតិពុលទាំងអស់មានរុក្ខជាតិដ៏គ្រោះថ្នាក់មួយឈ្មោះ “Monkshood ឬ Wolf’s bane” វាមានផ្ទុកអាកូនីទីន សារធាតុណឺរ៉ូតុកស៊ីន និងខាឌីអូតុកស៊ីន ប៉ុន្តែវាមិនមែនជារុក្ខជាតិសាហាវបំផុតទេ ។ យោងទៅតាមកំណត់ត្រាពិភពលោកហ្គីណេស បានបញ្ជាក់ថា “Ricin” មានផ្ទុកជាតិពុលរីស៊ីន ភាគច្រើនគេស្គាល់វាជា សណ្តែកសៀង castor ឬ រុក្ខជាតិប្រេង caster ទើបជារុក្ខជាតិពុលបំផុតនៅលើពិភពលោក ។ រឿងដ៏គួរឲ្យភ្ញាក់ផ្អើលចំពោះសួននេះគឺ រាល់រុក្ខជាតិពុលទាំងអស់សុទ្ធតែជារុក្ខជាតិសម្បូរ និងមានដុះនៅតាមព្រៃក្នុងចក្រភពអង់គ្លេស សូម្បីតែរុក្ខជាតិ “ Rhododendrons” ក៏មាននៅក្នុងសួននេះដែរ ។ ស្លឹក Rhododendrons មានផ្ទុកប្រេអាតូតូស៊ីន ដែលវាយប្រហារប្រព័ន្ធប្រសាទមនុស្សបើបរិភោគចូលទៅ ។

លើសពីនេះ រុក្ខជាតិពុលទាំងអស់មិនចាំបាច់ប៉ះពាល់ក៏អាចសម្លាប់អ្នកបានយ៉ាងងាយតាមរយៈការបញ្ចេញឧស្ម័នពុលពីស្លឹកផងដែរ ។ ក្រៅពីផ្ដល់គ្រោះថ្នាក់ដល់ជីវិតហើយ រុក្ខជាតិពុលខ្លះក៏ជាគ្រឿងដ៏ល្អបំផុតសម្រាប់ព្យាបាលជំងឺដូចជា មហារីកសុដន់ជាដើម ៕

ប្រែសម្រួលដោយ ៖ វារី

ចុចអាន ៖ មកស្គាល់ពីផ្កាពុល ១០ប្រភេទ មានរូបរាងស្អាត គួរឲ្យចង់ប៉ះ