មកស្គាល់ពីផ្កាពុល ១០ប្រភេទ មានរូបរាងស្អាត គួរឲ្យចង់ប៉ះ

ធម្មជាតិតែងតែមានរឿងថ្មីៗមកពញ្ញាក់អារម្មណ៍យើងមិនចេះចប់មិនចេះហើយ ដូចជាផ្សិតពុល និងសត្វសាហាវៗជាដើម ដែលមានរូបរាងទាក់ទាញគួរឲ្យចង់ប៉ះ តែគ្រោះថ្នាក់ខ្លាំងនឹកស្មានមិនដល់។ ទាំង ១០ នេះ ហើយ ជាបុប្ផាពុលដែលយើងគួរកត់ចំណាំជៀសវាង ជាប់អន្ទាក់ជាតិពុលរបស់វា៖

១. Nerium Oleander

គេស្គាល់ថាវាជាផ្កាពុលសាហាវបំផុតនៅលើពិភពលោក វាពុលតាំងពីឫសរហូតដល់គល់ សូម្បីតែស្រូបចំហាយផ្សែងវាក៏ពុលដែរ។ លើសពីនេះទឹកឃ្មុំដែលធ្វើពីផ្កានេះក៏ពុលដូចគ្នា។

២. Aconitum

ផ្កា​ដ៏​ស្រស់​ស្អាត​នេះ​អាច​មាន​ជាតិពុល​គ្រប់គ្រាន់​ធ្វើ​ឱ្យ​ខ្វិន​សាច់ដុំ​បេះដូង ឬ​ប្រព័ន្ធ​ផ្លូវដង្ហើម​ទាំងស្រុងបណ្តាល​ឱ្យ​ស្លាប់។

៣. Dracunculus Vulgaris

ភាគច្រើនគេហៅវាថា “ផ្កាលីលីស្អុយ, វូឌូលីលី និងលីលីពស់” វាបញ្ចេញក្លិនស្អុយដើម្បីទាក់ទាញរុយ គ្រាន់តែប៉ះក៏បណ្ដាលឲ្យរមាស់ស្បែកដែរ។

៤. Rafflesia Arnoldii

នេះគឺជាផ្កាធំបំផុតនៅលើពិភពលោកមានទម្ងន់ដល់ទៅ ៦,៨គីឡូក្រាម វាគ្មានឫស គ្មានដើម និងរីកតែ៥ថ្ងៃទេជាមួយក្លិនក្រអូបដូចសាកសពបេះបិទ។

៥. Titan Arum

ផ្កាសាកសពនេះ វាមានទំហំធំ រីក៣ថ្ងៃ និងបញ្ចេញក្លិនស្អុយ៨ម៉ោង។

៦. Deadly Nightshade

ផ្កានេះ​ពង្វក់មនុស្សឲ្យវង្វេងបណ្ដាល​ឱ្យ​ស្លាប់ វាមានថ្នាំពុលឈ្មោះថា Atropine។

៧. Angel’s Trumpet

បើអ្នកបរិភោគវាអ្នកនឹងវង្វេងវង្វាន់មិនចងចាំរឿងថ្មីៗរហូតដល់ស្លាប់។

៨. Morning Glory

ក្នុងករណីអ្នកបរិភោគលើសកម្រិតប្រាកដជាពុលមិនខាន វាធ្វើឲ្យវង្វេង ក្អួត និងរាកជាដើម។ 

៩. Foxglove

ផ្កា គ្រាប់ និងស្លឹករបស់វា អាចបណ្តាលឱ្យក្អួត ស្រក់ទឹកមាត់ ប្រកាច់ រីកប្រស្រីភ្នែក និងបាត់បង់ជីវិត។ ចាក់ថ្នាំធ្វើពីរុក្ខជាតិនេះអាចធ្វើឲ្យឈឺក្បាល ចង្អោរ រាគ និងរមាស់ស្បែក។

១០.  Larkspur

ការចាក់វាចូលទៅក្នុងខ្លួនបណ្ដាលឲ្យ ទន់ខ្សោយ ហៀរទឹកមាត់ ឈឺពោះ ខ្វិន និងបាត់បង់ជីវិត។ ទោះបីជាប៉ះបន្តិចក៏រមាស់ស្បែកដែរ។

ក្នុងករណីជ្រុលប៉ះពាល់ផ្កាខាងលើ លោកអ្នកគប្បីទៅពេទ្យជាបន្ទាន់ដើម្បីព្យាបាលនិងជៀសវាងការមើលងាយសភាពការណ៍ដោយព្យាបាលខ្លួនឯងនៅផ្ទះ៕

ប្រែសម្រួលដោយ៖ វារី

ចុចអាន៖ ស្វែងយល់ឲ្យច្បាស់ កំពូលផ្សិតពុលទាំង ៧ ប្រភេទ អាចធ្វើឲ្យស្លាប់បាន​

ចុចអាន៖ សត្វសមុទ្រដ៏ចម្លែក មានរូបរាងស្រស់ស្អាត តែអាចបង្កគ្រោះថ្នាក់ខ្លាំង