ជីវិតកម្សាន្ដ
បវរកញ្ញា លីវ ជីលី ឆ្លើយដោយសីលធម៌ ក្រោយផ្ទុះការវែកញែករឿងមកុដ
ដូចដែលអ្នកគាំទ្របានដឹងហើយថា កញ្ញា លីវ ជីលី មុននេះ ទើបតែឈ្នះមកុដមួយថែមទៀត ជាក្តីមោទនៈក្នុងការប្រឡង Miss Supranational Cambodai 2023។ ប៉ុន្តែសម្រាប់ជ័យលាភីក៏មានការសាទរ និងមតិមួយចំនួនទៀតហាក់មិនពេញចិត្តនាំឲ្យផ្ទុះការវែកញែក ហើយរិះគន់លើនាង។
ជាក់ស្ដែងបើតាមការកត់សម្គាល់បវរកញ្ញា លីវ ជីលី ក្រោយការប្រឡងចប់កម្មវិធីខាងលើ នាងហាក់មិនសូវទទួលបានសំឡេងគាំទ្រច្រើនពីទស្សនិកជន ឬអ្នកគាំទ្រវិស័យមួយនេះទេ នៅពេលនាងត្រូវប្រកាសក្លាយជាម្ចាស់មកុដ Miss Supranational Cambo dai 2023 កាលពីថ្មីៗកន្លងមកនេះ។ ក្នុងនោះមានការលើកឡើងថា កម្មវិធីមួយនេះហាក់មានការលំអៀង ឬ ជាការប្រកាន់បក្ខពួក និងខ្សែជាដើម។
សម្រាប់មតិខ្លះទៀត ក៏បាននិយាយថា ការប្រកួតលើកនេះ ជីលី ដូចជាខ្សោយសំឡេងគាំទ្រ ហាក់មិនសូវផ្ទុះខ្លាំងដូចកាលពីស្រីស្អាត លីវ ជីលី ប្រកួតឈ្នះមកុដ Miss Grand កាលពីអំឡុងឆ្នាំ ២០២០។ យ៉ាងណាមិញទោះបីជាមានការវែកញែកបែបនេះពិតមែន តែចំពោះបវរកញ្ញាកម្ពុជារូបនេះ នៅតែរក្សាបានការគាំទ្រ និងលើកទឹកចិត្តសម្រាប់ជ័យជំនះខាងលើ។
ចាប់អារម្មណ៍លើទស្សនៈរបស់កញ្ញា លីវ ជីលី នាងបានលើកឡើងដោយចិត្តត្រជាក់ថា «គោលដៅ នៃជីវិតចេះតែមានបន្តបន្ទាប់ ខ្ញុំដឹងខ្លួនឯងច្បាស់មកពីណា ទៅណា មកទីនេះដើម្បីអ្វី ខ្ញុំបានជ្រះថ្លាជាមួយព្រះធម៌ រៀនអប់រំចិត្ត អ្វីដែលនាងខ្ញុំមាន(សីលធម៌ សច្ចធម៌ មេត្តាធម៌ គុណធម៌ ព្រហ្មវិហារធម៌) ទាំងអស់នេះធ្វើឲ្យខ្ញុំជាមនុស្សមិនចេះសម្ដែង ព្រោះស្លាប់ទៅក៏ទៅវិញតែឯង គ្មាននរណាមកស្លាប់ជាមួយយើងនោះទេ»។
លីវ ជីលី បានសង្កត់ធ្ងន់ថា សាងបាបបានបាប សាងបុណ្យបានបុណ្យ ហើយកុំតូចចិត្តហេតុអ្វីគេស្អាតយើងមិនស្អាត ហេតុអ្វីគេមានយើងមិនមានដូចគេ ខំសាងតែអំពើល្អ ធ្វើបុណ្យឲ្យបាន។ ថ្វីត្បិតយ៉ាងណាក្តី លីវ ជីលី ពេលនេះបានក្លាយជាម្ចាស់មកុដក្នុងការប្រកួតកម្មវិធីថ្មីសំខាន់ជាលើកទី ១ នៅកម្ពុជា។ ពិសេសទៀតនោះ នាងនឹងដឹកដៃលោក វន សិលា ម្ចាស់ជ័យលាភីឯក Mister Supranational Cambodai 2023 ទៅកាន់ប្រទេសប៉ូឡូញ នាអំឡុងខែកក្កដខាងមុខនេះ៕
អត្ថបទ ៖ ចាន់រ៉ា
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ២ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ៦ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ