រថយន្តស៊េរីទំនើបបុករបាំងការដ្ឋានសាងសង់ស្ពានអាកាសផ្លូវ៦០ម៉ែត្រ

បុរសម្នាក់សង្ស័យស្រវឹងបេីករថយន្តស៊េរីទំនេីបម៉ាកម៉ែកសឺដេសក្នុងល្បឿនលឿនមិនប្រយ័ត្នក៏ជ្រុលបុករបាំងថ្មការដ្ឋានកំពុងសាងសង់ស្ពានអាកាសផ្លូវ៦០ម៉ែត្រ បណ្តាលឲ្យរងការខូចខាតតែមិនមានមនុស្សរងរបួសនោះទេ។

ហេតុការណ៍នេះបានកេីតឡេីងកាលពីវេលាម៉ោង១១និង៤០នាទីយប់ ថ្ងៃទី១១ ខែមេសា ឆ្នាំ២០២៣ នៅចំណុចការដ្ឋានកំពុងសាងសង់ស្ពានផ្លូវ៦០ម៉ែត្រ ស្ថិតក្នុងសង្កាត់ចាក់អង្រែលេី ខណ្ឌមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញរថយន្តម៉ាកម៉ែកសឺដេស ពណ៌ខ្មៅ ពាក់ស្លាកលេខភ្នំពេញ2BC5454 បេីកបរដោយបុរសម្នាក់ធ្វេីដំណេីរតាមបណ្តោយផ្លូវ៦០ម៉ែត្រ ក្នុងទិសដៅពីត្បូងទៅជេីងក្នុងល្បឿនលឿន ខណៈមកដល់ចំណុចកេីតហេតុដោយមានការដ្ឋានកំពុងសាងសង់ស្អានអាកាសមិនបានប្រយ័ត្នក៏ជ្រុលបុករបាំងថ្មពេញទំហឹងបណ្តាលឲ្យងការខូចខាតផ្នែកខាងមុខយ៉ាងដំណំ។

ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុដោយឲ្យភាគីខាងម្ចាស់រថយន្តសម្របសម្រួលជាមួយភាគីខាងការដ្ឋាន៕

អត្ថបទ៖ សុខា