ព័ត៌មានអន្ដរជាតិ
ប៉ូលិសរកឃើញតម្រុយថ្មីបន្ថែមទៀតរបស់ជនសង្ស័យប៉ុនប៉ងធ្វើឃាតនាយករដ្ឋមន្ត្រី ជប៉ុន
ប៉ូលិសជប៉ុនបាននិយាយថា ជនសង្ស័យនៅក្នុងការវាយប្រហារដោយគ្រាប់បែកកាលពីថ្ងៃសៅរ៍សប្ដាហ៍មុន សំដៅទៅលើលោកនាយករដ្ឋមន្ត្រី Kishida Fumio បានឆែកមើលគេហទំព័ររបស់គណបក្សប្រជាធិបតេយ្យសេរី (LDP) ជាច្រើនលើកច្រើនសារ ។
ប្រភពស៊ើបអង្កេតបាននិយាយថា កំណត់ត្រារុករកនៅលើកុំព្យូទ័រផ្ទាល់ខ្លួនដែលរឹបអូសពីផ្ទះរបស់ជនសង្ស័យឈ្មោះ Kimura Ryuji បានកត់ត្រាការចូលមើលគេហទំព័រ LDP ម្តងហើយម្តងទៀត ដើម្បីពិនិត្យមើលកាលវិភាគនៃយុទ្ធនាការឃោសនាបោះឆ្នោត និងដើម្បីស្វែងរកឱកាសធ្វើការវាយប្រហារលោក Kishida ។
ទន្ទឹមនោះមន្ត្រី LDP ក៏បាននិយាយដែរថា ពួកគេបានប្រកាសកាលវិភាគសុន្ទរកថានៅឯកំពង់ផែនេសាទរបស់លោក Kishida នៅលើគេហទំព័រគណបក្សភ្លាមៗនៅម៉ោង ៥ ល្ងាចថ្ងៃទី១៤ ខែមេសា ពោលមួយថ្ងៃមុនពេលការវាយប្រហារបានកើតឡើង ។
មន្ត្រីគណបក្សបញ្ជាក់ថា វាជាលើកដំបូងក្នុងរយៈពេល ៩ ខែសម្រាប់លោក Kishida ដែលចេញទៅថ្លែងសុន្ទរកថាយុទ្ធនាការឃោសនា ចាប់តាំងពីការបោះឆ្នោតសភាជាន់ខ្ពស់កាលពីរដូវក្តៅមុន ។
គួរបញ្ជាក់ថា រយៈពេលមួយសប្តាហ៍ហើយ ចាប់តាំងពីជនសង្ស័យគប់គ្រាប់បែកទៅលើលោក Kishida ក្នុងអំឡុងពេលយុទ្ធនាការបោះឆ្នោតនៅទីក្រុងកំពង់ផែនេសាទ Wakayama ភាគខាងលិចប្រទេសជប៉ុន ខណៈក្នុងហេតុការណ៍នោះ មនុស្ស ២ នាក់បានរងរបួស ហើយប៉ូលិសបានចាប់ខ្លួនជនសង្ស័យវ័យ ២៤ ឆ្នាំជាអ្នករស់នៅក្បែរខេត្ត Hyogo នៅនឹងកន្លែងតែម្ដង ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ប៉ូលិសរកឃើញព័ស្តុតាងថ្មីរបស់ជនសង្ស័យប៉ុនប៉ងធ្វើឃាតនាយករដ្ឋមន្ត្រី ជប៉ុន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ