Beyonce និងស្វាមី ទិញភូមិគ្រឹះតម្លៃ ២០០លានដុល្លារ នៅលើទឹកដី Hollywood

តារាចម្រៀងអាមរិកាំង Beyonce និងសា្វមី Jay-Z បានទិញភូមិគ្រឹះប្រណីតមួយខ្នង នៅ​លើទឹកដី Hollywood ដែលតម្លៃភូមិគ្រឹះនេះត្រូវបានគេដឹងថាមានតម្លៃថ្លៃបំផុត មិនធ្លាប់មាននៅក្នុងតំបន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពពី​ Bang បានឱ្យដឹងថា កំពូលតារាប៉ុបវ័យ ៤១ឆ្នាំ និងស្វាមី ដែលមានទ្រព្យសម្បត្តិសរុបចំនួន ២.៥ពាន់លានដុល្លារអាមេរិក បានចំណាយប្រាក់ចំនួន ២០០លានដុល្លារលើភូមិគ្រឹះថ្មីទំហំ ៣ម៉ឺនម៉ែត្រការ៉េ នៅទីក្រុង Malibu រដ្ឋកាលីហ្វ័រញ៉ា។

ប្រភពមួយបានប្រាប់ TMZ ថា “ប្តីប្រពន្ធមួយគូនេះបានចំណាយប្រាក់ ២០០លានដុល្លារសម្រាប់អចលនទ្រព្យនេះ ដោយធ្វើឱ្យវាក្លាយជាផ្ទះដែលមានតម្លៃថ្លៃបំផុតមិនធ្លាប់មាននៅក្នុងរដ្ឋកាលីហ្វ័រញ៉ាទាំងមូល និងបំបែកកំណត់ត្រាថ្លៃផ្ទះថ្លៃបំផុតកាលពីមុន ក្នុងចំនួន ១៧៧លានដុល្លារ” ។

យ៉ាងណាមិញ ចំពោះភាពលម្អិតនៃភូមិគ្រឹះប្រណីតរបស់ម្ចាស់បទ ​Halo ពុំទាន់មាននរណាដឹងច្បាស់នោះទេ គេដឹងត្រឹមថាភូមិគ្រឹះមួយខ្នងនេះអាចមើលឃើញមហាសមុទ្រប៉ាស៊ីហ្វិកដ៏ស្រស់ស្អាត ខណៈអ្នក​តំណាង​លក់ មិនអាច​សុំ​ការ​អត្ថាធិប្បាយបាននៅឡើយ៕

ប្រែសម្រួល៖ សន្យា

ចុចអាន៖ ដឹងតម្លៃឈុត ដែល ស៊ីន យូប៊ីន ស្លៀកបង្ហាញនៅមហោស្រពភាពយន្ត ប្រទេសបារាំង