ដឹងតម្លៃឈុត ដែល ស៊ីន យូប៊ីន ស្លៀកបង្ហាញនៅមហោស្រពភាពយន្ត ប្រទេសបារាំង

ក្រោយបង្ហាញវត្តមាននៅលើកម្មវិធីកម្រាលព្រំក្រហមនៃមហោស្រពភាពយន្ត Cannes លើកទី៧៦ នៅប្រទេសបាំរាំង តារាសម្ដែង ស៊ីន យូប៊ីន ទទួលបានការសាទរយ៉ាងខ្លាំងពីមហាជនកម្ពុជា ព្រោះនាងជាតារាស្រីកម្ពុជាដំបូងគេដែលលេចមុខលើឆាកអន្តរជាតិមួយនេះ។

មិនត្រឹមបង្ហាញខ្លួនធម្មតានោះទេ កញ្ញា យូប៊ីន បានលើកយកឈុតពណ៌ស រូបនាគរាជ និងទង់ជាតិខ្មែរទៅបង្ហាញដល់ពិភពលោក ធ្វើឱ្យប្រជាជនកម្ពុជាមានមោទកភាព ខណៈឈុតនេះត្រូវម្ចាស់ខ្លួនទម្លាយត្រូវចំណាយប្រាក់អស់ជិត ២ម៉ឺនដុល្លារឯណោះ។

តាមរយៈការបង្ហោះលើផេកផ្លូវការរបស់ ស៊ីន យូប៊ីន នៅព្រឹកមិញនេះ បានឱ្យដឹងថាសរុបមួយឈុតនេះ​ ត្រូវចំណាយអស់​ ១៦០០០ដុល្លារ​ ដោយគ្មានការឧបត្ថម្ភពីនរណាឡើយ ​ពោលគឺជាការរ៉ាប់រងរបស់នាងទាំងអស់។

ទោះបីចំណាយអស់ប៉ុនណេះក្ដី ប៉ុន្តែតារាស្រីរូបនេះ ពុំត្អូញត្អែរអ្វីនោះទេ ដោយនាងនិយាយថា ខ្លួនធ្វើព្រោះស្រឡាញ់ និងចេញពីបេះដូងពិតៗ ដើម្បីប្រទេសជាតិរបស់នាង៕

អត្ថបទ៖ សន្យា

ចុចអាន៖ តារា ៤ ដួង លេចធ្លោជាងគេ ក្រោយស្លៀកឈុតស្រដៀងគ្នាដើរលើកម្រាលព្រំ Cannes