ព័ត៌មានជាតិ

កាត់ទោសអតីតសមាជិកបក្សសង្គ្រោះជាតិ២១នាក់ ពីបទ រួមគំនិតក្បត់

បានផុស

៥ years មុន

នៅ

ថ្ងៃសុក្រ ២២ មករា ២០២១

ដោយ

អតីតសមាជិក នៃអតីតគណបក្សសង្គ្រោះជាតិ ចំនួន២១នាក់ ត្រូវបានបញ្ជូនមកកាន់សាលាដំបូងរាជធានីភ្នំពេញ នាព្រឹកថ្ងៃទី២២ ខែមករា ឆ្នាំ២០២១នេះ ដើម្បីបើកសវនាការកាត់ទោស ។

តុលាការបានផ្ដើមចោទប្រកាន់ក្រុមមនុស្សទាំង២១នាក់ពីបទ « រួមគំនិតក្បត់ » បទ « ញុះញង់អោយប្រព្រឹត្តបទឧក្រិដ្ឋជាអាទ៍ » បទ « ញុះញង់កុំឱ្យយោធិនស្ដាប់បង្គាប់ » តាមមាត្រា ៤៥៣ មាត្រា ៤៩៤ មាត្រា ៤៩៥ និងមាត្រា ៤៧១ នៃក្រមព្រហ្មទណ្ឌកម្ពុជា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អង្គសវនាការនេះ ដឹកនាំដោយលោកចៅក្រម រស់ ពិសិដ្ឋ ជាចៅក្រមជំនុំជំរះ និងលោក សេង ហៀង ជាតំណាងអយ្យការ ។ តាមការគ្រោងទុក តុលាការនិងប្រើពេលវេលាពេញមួយថ្ងៃ ដើម្បីដំណើរការសវនាការនេះ ។

សូមបញ្ជាក់ថា ក្រុមជនជាប់ចោទទាំង២១នាក់ ត្រូវបានអាជ្ញាធរមានសមត្ថកិច្ចចាប់ខ្លួនជាបន្តបន្ទាប់កាលពីពាក់កណ្ដាលឆ្នាំ២០២០ នៅក្នុងយុទ្ធនាការបង្ក្រាបចលនាបះបោរញុះញង់មួយដឹកនាំដោយលោក សម រង្ស៊ី៕

អត្ថបទ ៖ មករា