Billie Eilish ខឹង ព្រោះគេរិះគន់ចំពោះការស្លៀកពាក់របស់នាង

យោងទៅតាមសារព័ត៌មាន People បានចុះផ្សាយឲ្យដឹងថាតារាចម្រៀង Billie Eilish មិនពេញចិត្តនឹងការនិយាយអំពីការផ្លាស់ប្តូរស្ទីលស្លៀកពាក់របស់នាងនោះទេ នៅលើប្រព័ន្ធផ្សព្វផ្សាយសង្គមនាងបានឆ្លើយតបទៅនឹងមតិអវិជ្ជមានដោយហៅពួកគេថាជាមនុស្សត្លុក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ Billie Eilish បាននិយាយថា”ខ្ញុំបានចំណាយពេល ៥ ឆ្នាំដំបូងនៃអាជីពរបស់ខ្ញុំទទួលរងនូវការបញ្ចេញមតិអវិជ្ជមានដោយសារតែការលែងស្ទីលតែងខ្លួនបែកបុរសរបស់ខ្ញុំ។ ពួកគេនិយាយថាខ្ញុំនឹងមានភាពទាក់ទាញជាងនេះប្រសិនបើលែងស្ទីលតែងខ្លួនបែកស្រី ឥឡូវនេះខ្ញុំផ្លាស់ប្តូរហើយមានអារម្មណ៍ស្រួលក្នុងការស្លៀកសំលៀកបំពាក់ជាមនុស្សស្រីកាន់តែច្រើន” ។

នាងបានបន្តទៀតថា “ទោះជាយ៉ាងណាក៏ដោយ ពួកគេឆ្ងល់ថាមានអ្វីកើតឡើង ខ្ញុំមិនមែនជា Billie Eilish version ដែលពួកគេស្គាល់ទេ ហើយអ្នកល្ងង់ដូចត្លុក ខ្ញុំអាចបត់បែនបានរវាងការលែងស្ទីលទាំងពីរ។ នៅក្នុងការបង្ហោះខាងក្រោមនេះ Billie Eilish អះអាងថា ស្ត្រីអាចខ្វល់ពីរឿងជាច្រើនក្នុងពេលតែមួយ ហើយការស្លៀកពាក់របស់នារីមិនមានន័យថាទន់ខ្សោយនោះទេ។ បន្ទាប់ពីនោះ តារាចម្រៀងរូបនេះបានលុបការចែករំលែករបស់នាង។

យ៉ាងណាមិញ លើសពីនេះ តារាចម្រៀង Billie Eilish ធ្លាប់បង្ហាញប្រាប់ទស្សនាវដ្តី Elle ថានាងបាន បាត់បង់អ្នកតាមដានរាប់ពាន់នាក់នៅលើ Instagram ដោយសារតែបានផ្លាស់ប្ដូរស្ទីលតែងខ្លួននៅពេលដែលនាងចេញអាល់ប៊ុមថ្មី Happier Than Ever ៕

ប្រែសម្រួល៖នាងតូច

ចុចអាន៖Selena Gomez ឈ្លោះប្រកែកជាមួយសន្តិសុខម្នាក់ នៅក្នុងការប្រគំតន្ត្រីរបស់ Beyoncé