ស្រឡាញ់គ្នា ៣ឆ្នាំ គេសួរពេលណារៀបការ Taew ឆ្លើយលឿនស្លេវបែបនេះ

រយៈពេល ៣ឆ្នាំហើយ ដែលទំនាក់ទំនងស្នេហារវាងតារាសម្ដែង Taew Nattaphon នឹងសេដ្ឋីហាយសូរ Pranai បានបន្តជាមួយគ្នា ប៉ុន្តែចំពោះដំណឹងរៀបការមិនត្រូវបានសាមីខ្លួនទាំងពីរបង្ហើបថានឹងមកដល់នៅពេលណានោះទេ។

ដោយសារឃើញថា Taew និង Pranai ស្រឡាញ់គ្នាយ៉ាងផ្អែមល្ហែម ស្អិតល្មួត ស្របពេលដែលអ្នកទាំងពីរកាន់តែមានវ័យជ្រេរៀងខ្លួនផង ​ទស្សនិកជននាំគ្នាជជីកសួរពួកគេអំពីដំណឹងចូលរោងការ ហើយក៏ត្រូវខាងស្រីចេញមុខឆ្លើយតបភ្លាមៗតែម្ដង។

ប្រាប់នៅក្នុងបទសម្ភាសន៍ក្នុងកម្មវិធីសម្ពោធភាពយន្តភាគរបស់ទូរទស្សន៍ប៉ុស្តិ៍លេខ ៣ តួឯកស្រីរឿង ព្រះម៉ែនាគី ឆ្លើយច្បាស់ៗថា ខ្លួនមិនទាន់គិតគូនោះទេ ព្រោះមានរឿងជាច្រើនទៀតដែលនាងនិងគូស្នេហ៍ត្រូវរៀនពីគ្នា។ តារាស្រីវ័យ ៣៤ឆ្នាំរូបនេះ បន្ថែមថា ទំនាក់ទំនងរបស់នាង និងហាយសូរ Pranai ពុំមានភាពរកាំរកូសអ្វីនោះទេ ប៉ុន្តែរឿងរៀបការ អ្នកទាំងពីរមិនទាន់ត្រៀមខ្លួនឡើយ។ នាងថា “រាល់ថ្ងៃយើងកំពុងរៀនពីគ្នាទៅវិញទៅមក” ៕

ប្រែសម្រួល៖ សន្យា

ចុចអាន៖ Taew តបយ៉ាងត្រជាក់ ជុំវិញពាក្យស្ដីបន្ទោសថា នាងលែងខ្វល់ពីម្ដាយ