ជីវិតកម្សាន្ដ

អ្នកនិពន្ធវ័យក្មេង ណុប អ៊ីនុ ប្រតិកម្ម ក្រោយមានបុគ្គលមួយចំនួនចាំសើចយំជីវិតខ្លួន

បានផុស

៣ years មុន

នៅ

ថ្ងៃចន្ទ ២៦ មិថុនា ២០២៣

ដោយ

អ្នកនិពន្ធល្បីឈ្មោះ ណុប អ៊ីនុ ដែលគេស្គាល់ថាជាប្អូនប្រុសបង្កើតរបស់តារាចម្រៀង ណុប បាយ៉ារិទ្ធ ថ្មីៗនេះ បានបញ្ចេញប្រតិកម្មហាក់មិនសប្បាយចិត្តចំពោះបុគ្គលមួយចំនួនមិនឲ្យតម្លៃ ចាំតែអង្គុយសើចយំជីវិតខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់លោក ណុប អ៊ីនុ គឺជាអ្នកនិពន្ធបទចម្រៀងវ័យក្មេងស្រស់សង្ហាល្បីឈ្មោះប្រចាំផលិតកម្មរស្មីហង្សមាស។ ហើយលោក ណុប អ៊ីនុ ក៏ជាប្អូនប្រុសបង្កើតរបស់លោក ណុប បាយ៉ារិទ្ធិ និងលោក នីកូ ផងដែរ។ កន្លងមកលោកក៏ធ្លាប់បញ្ចេញស្នាដៃបទចម្រៀងល្បីៗ ពីរោះ និងមនោសញ្ចេតនាជាច្រើនបទ ទទួលបានការគាំទ្រច្រើនពីមហាជន និងមិត្តៗយុវវ័យ។

ងាកមកចាប់អារម្មណ៍ថ្មីៗនេះស្រាប់តែអ្នកនិពន្ធ ណុប អ៊ីនុ បានចេញសារយ៉ាងភ្ញាក់ផ្អើល ដោយសម្ដែងការមិនពេញចិត្តដូច្នេះថា «អ្នកចាំសើចយំជីវិតខ្ញុំសើចឲ្យឮផង ឃើញខ្ញុំបង្ហោះលក់ឡានសប្បាយអរម្ល៉េះ? ថែមុខរបរការងារខ្លួនឯងឲ្យតែជាប់ទៅ កុំទំនេរដាក់មាត់ដាក់គូទពេកអមនុស្ស»។

កត់សម្គាល់ការបង្ហោះរបស់អ្នកនិពន្ធវ័យក្មេងស្រស់សង្ហា ណុប អ៊ីនុ ត្រូវបានគេសង្កេតថា ទំនងដោយសារអ្នកនិពន្ធរូបនេះកំពុងមានបញ្ហាផ្នែកសេដ្ឋកិច្ច ទើបថ្មីៗនេះលោកបានប្រកាសលក់ឡានផ្ទាល់ខ្លួនដែលនាំឲ្យបុគ្គលមួយចំនួននិយាយចំអកផ្លែផ្កាដល់រូបលោក។ ណុប អ៊ីនុ ក្រៅពីអ្នកនិពន្ធ បច្ចុប្បន្នលោកក៏ជាអ្នករកស៊ីបើកហាងលក់សម្លៀកបំពាក់យ៉ាងមមាញឹកផងដែរ៕

អត្ថបទ ៖ ចាន់រ៉ា