អតីតនាយកប្រតិបត្តិ Google ព្រមានថា AI នឹងធ្វើឲ្យតុក្កតាសិចមានជីវិត

យោងតាមលោក Mo Gawdat អតីតនាយកប្រតិបត្តិក្រុមហ៊ុន Google បានឲ្យដឹងថា ការរួមបញ្ចូលគ្នានៃបច្ចេកវិទ្យាផលិតមនុស្សយន្ត និងបញ្ញាសិប្បនិម្មិត (AI) អាចនាំឲ្យតុក្កតាសិចមានជីវិត ។

មិនតែប៉ុណ្ណោះភាពជឿនលឿននៃបច្ចេកវិទ្យា AI ក៏នឹងបង្កើនហានិភ័យដល់ទំនាក់ទំនងស្នេហា និងក្ដីស្រលាញ់ពិតទៀតផង ។

លោក Mo បកស្រាយថា បើមានវិធីអាចតភ្ជាប់ការស្រលាញ់ទៅនឹងប្រព័ន្ធប្រសាទដោយផ្ទាល់ក្នុងរយៈពេលពីរបីឆ្នាំតទៅមុខទៀត តើអ្នកត្រូវការមនុស្សមានជីវិតដើម្បីអ្វី? ប៉ុន្តែទោះជាយ៉ាងណា ការមានជីវិត និងមនោសញ្ចេតនារបស់ AI មិនសំខាន់នោះទេ ហើយអ្វីដែលសំខាន់នោះ គឺឲ្យតែខួរក្បាលមនុស្សជឿជាក់ថា វាជាការពិត គឺគ្រប់គ្រាន់ទៅហើយ ។

ទន្ទឹមនោះ ទោះបីមនុស្សមួយចំនួនរក្សាគោលជំហរត្រូវការមនុស្សពិតដូចគ្នាក៏ដោយ ប៉ុន្តែលោក Gawdat នៅតែប្រកែកថា “ប្រសិនបើយើងគិតថា មនុស្សយន្តសិចនេះមានជីវិត ហើយអ្នកជឿជាក់ថាបទពិសោធន៍រួមភេទនោះជាការពិត ប៉ុណ្ណឹងគឺបានហើយ ។ អ្វីដែលសំខាន់គឺស្ថិតលើអារម្មណ៍ និងខួរក្បាលរបស់អ្នកដែលទទួលបានពីតុក្កតាសិចមួយនេះ” ៕

ប្រែសម្រួល៖ វារី

ប្រភព៖ dailymail

ចុចអាន៖ មហាសេដ្ឋី Elon Musk បង្កើត​ក្រុមហ៊ុន AI ថ្មី