ព័ត៌មានជាតិ

ឯកឧត្ដម ហ៊ុន ម៉ានី ជឿជាក់ថា វិស័យឯកជន នឹងមានឱកាសច្រើនថែមទៀតក្នុងការវិនិយោគ ដើម្បីភាពរីកចម្រើនអាជីវកម្មខ្លួន

បានផុស

៣ years មុន

នៅ

ថ្ងៃអាទិត្យ ៣០ កក្កដា ២០២៣

ដោយ

ឯកឧត្ដម ហ៊ុន ម៉ានី ប្រធានគណៈកម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍ នៃរដ្ឋសភា ជឿជាក់ថា វិស័យឯកជន នឹងកាន់តែមានឱកាសច្រើនថែមទៀតក្នុងការវិនិយោគ ដើម្បីភាពរីកចម្រើន នៃអាជីវកម្មរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្ដម ហ៊ុន ម៉ានី លើកឡើងបែបនេះ ក្នុងឱកាសដាក់សម្ពោធឲ្យប្រើប្រាស់សាលាភាសាអង់គ្លេស-ចិន ខេម-អាស៊ាន សាខាក្បាលថ្នល់ នៅព្រឹកថ្ងៃទី ៣០ ខែកក្កដា ឆ្នាំ ២០២៣ នេះ។

ក្រោមម្លប់ នៃសុខសន្តិភាព ឯកឧត្ដម ហ៊ុន ម៉ានី ជឿជាក់ថា «វិស័យឯកជន នឹងកាន់តែមានឱកាសជាច្រើនថែមទៀត ក្នុងការវិនិយោគដើម្បីភាពរីកចម្រើន នៃអាជីវកម្មរបស់ខ្លួន»។

ឯកឧត្ដម ហ៊ុន ម៉ានី បន្ថែមថា ស្ថិតក្នុងបរិបទ នៃការវិវឌ្ឍន៍ឥតឈប់ឈរ នៃចរន្តសកល ជាពិសេសការរីកចម្រើន នៃបច្ចេកវិទ្យា គ្រឹះស្ថានអប់រំទាំងអស់ ត្រូវមានស្មារតីបុរេសកម្ម និងត្រូវគិតគូរឲ្យបានមុន ដើម្បីធ្វើយ៉ាងណាសម្របខ្លួន និងដើរឲ្យទាន់សភាពការណ៍ នៃការវិវឌ្ឍន៍ទាំងនោះ នាពេលអនាគត។

ឯកឧត្ដម ហ៊ុន ម៉ានី បញ្ជាក់ថា ជាការពិត វិស័យឯកជនដើរតួនាទីយ៉ាងសំខាន់ក្នុងការចូលរួមចំណែកដល់ការអភិវឌ្ឍប្រទេសជាតិ ជាពិសេសលើវិស័យអប់រំ ដែលជាដៃគូមួយយ៉ាងសំខាន់ក្នុងការបណ្ដុះបណ្ដាលធនធានមនុស្សពោរពេញដោយសមត្ថភាព។ ក្នុងនោះ មូលធនមនុស្សដែលមានសក្ដានុពល ជាកម្លាំងចលករដ៏ចាំបាច់សម្រាប់ជំរុញកំណើនសេដ្ឋកិច្ច និងសង្គមជាតិ។

ជាមួយនោះ ឯកឧត្ដម ហ៊ុន ម៉ានី ក៏បានចូលរួមអបអរសាទរសាលាភាសាអង់គ្លេស-ចិន ខេម-អាស៊ាន នូវសមិទ្ធផលថ្មីបន្ថែមទៀត គឺ សាខាក្បាលថ្នល់ ដែលត្រូវបានដាក់សម្ពោធឲ្យប្រើប្រាស់នាឱកាសនេះផងដែរ៕

អត្ថបទ ៖ ពិសី

Related Topics:ឯកឧត្ដម ហ៊ុន ម៉ានី