ចរាចរណ៍
រថយន្ត Ford បុករះស្លាប់អាជីវករម្នាក់ ខណៈកំពុងលក់ដូរ
អ្នកលក់អីវ៉ាន់ចាប់ហួយម្នាក់បានស្លាប់បន្ទាប់ពីបញ្ជូនដល់មន្ទីរពេទ្យ និង២នាក់ទៀតរងរបួស ខណៈកំពុងលក់ដូរនៅផ្ទះ ត្រូវបានរថយន្តហ្វត១គ្រឿង បើកបរក្នុងល្បឿនលឿន ហើយបែកកង់រេចង្កូតបុកចូលទាំងកំរោល។
ហេតុការណ៍នេះបានកើតឡើងនៅវេលាម៉ោង៨និង៣០នាទី ថ្ងៃទី២៨ ខែមករា ឆ្នាំ២០២១នៅចំណុចភូមិ ត្រពាំងទឹម ឃុំ កណ្ដែក ស្រុកបាសាទបាគង ខេត្តសៀមរាប។
លោកវរសេនីយ៍ឯក លឹម សម្បត្តិ អធិការនគរបាលស្រុកប្រាសាទបាគង បានឲ្យដឹងថា មានករណីគ្រោះថ្នាក់ចរាចរណ៍រថយន្ដបុកតូបលក់អីវ៉ាន់ចាប់ហួយចំនួន២តូប នៅចំណុចភូមិ ត្រពាំងទឹម ឃុំកណ្ដែក ស្រុកបាសាទបាគង ខេត្តសៀមរាប តាមបណ្តោយផ្លូវជាតិលេខ265F។
លោកបន្តថា មានរថយន្ត FORD ពណ៌ទឹកក្រូច ពាក់ស្លាកលេខ ភ្នំពេញ 2AP 5631 បើកបរដោយឈ្មោះ ពៅ ភេទប្រុស អាយុ៣៧ឆ្នាំរស់នៅភូមិអូរឃុំកណ្ដែកស្រុកប្រាសាទបាគង ខេត្តសៀមរាប បើកបរមានទិសដៅពីលិចទៅកើត បានបុកតូបលក់អីវ៉ាន់ចាប់ហួយចំនួន២តូប។
លោកបន្ថែមថា តូបទី១របស់ឈ្មោះ ណូ បូរ៉ា ភេទប្រុស អាយុ៤២ឆ្នាំ រស់នៅភូមិត្រពាំងទឹម ឃុំកណ្ដែក ស្រុកប្រាសាទបាគង ខេត្តសៀមរាប គ្មានរបួស ។ ២. តូបរបស់ឈ្មោះ ស៊ីន គាន ភេទប្រុស អាយុ៤១ឆ្នាំ នៅភូមិត្រពាំងទឹម ឃុំកណ្ដែក ស្រុកប្រាសាទបាគង ខេត្តសៀមរាប (របួសធ្ងន់បានស្លាប់ពេលបញ្ជូនដល់មន្ទីរពេទ្យ) និងរបស់ប្រពន្ធនិងកូនស្រីនៅក្នុងតូប១.ឈ្មោះ ថុល រដ្ឋា ភេទស្រី អាយុ36ឆ្នាំនៅភូមិដូចគ្នា( របួសស្រាល)២. ឈ្មោះ គាន កាក់ការ ភេទស្រី អាយុ9ឆ្នាំ( របួសស្រាល)។
លោកអធិការបញ្ជាក់ថា ក្រោយពេលកើតហេតុរួចអ្នកបើកបររថយន្ដបានរត់គេចខ្លួនបាត់។
បច្ចុប្បន្ន កម្លាំងនគរបាលជំនាញបានអូសយកវត្ថុតាងបង្កទៅអធិការដ្ឋានស្រុកប្រាសាទបាគង ដើម្បីរង់ចាំដោះស្រាយតាមផ្លូវច្បាប់ ៕
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានជាតិ១ សប្តាហ៍ agoផ្លូវពីព្រលានថ្មីមកក្រុងសៀមរាប ស្ថិតក្នុងដំណាក់កាលសិក្សាបឋម មុនឈានបើកការដ្ឋានសាងសង់