អ្នកយកសត្វចិញ្ចឹមទៅបូជាឲ្យរូបចម្លាក់នៅថៃ ប្រឈមមុខចំពោះការកាត់ទោស

មូលនិធិ Watchdog Thailand (WDT) បានព្រមានថា អ្នកយកសត្វចិញ្ចឹមជាយញ្ញបូជាសម្រាប់គ្រូកៃកែវដែលជារូបចម្លាក់ក្នុងទីក្រុងបាងកក នឹងប្រឈមមុខចំពោះការកាត់ទោស ។

ការព្រមានបានមកពីទឹកចិត្តព្រួយបារម្ភរបស់អ្នកស្រលាញ់សត្វ ក្រោយដឹងថាមានមនុស្សមួយចំនួនយកសត្វឆ្មា ឆ្កែ និងទន្សាយ ទៅបូជាឲ្យអាទិទេព ។

WDT ដាស់តឿនបុគ្គលណាដែលបង្កគ្រោះថ្នាក់លើសត្វចិញ្ចឹម ឬបូជាវាដល់អាទិទេពដែលនៅក្បែរផ្លូវបំបែក Huai Khwang គឺជា បទល្មើសនឹងច្បាប់ស្ដីពីការធ្វើបាបសត្វនាំឲ្យមានទោសធ្ងន់ ។

បើតាមសាច់ញាតិរបស់ជាងចម្លាក់បានឲ្យដឹងថា ការពិតគ្រូកៃកែវយកតែផ្លែឈើ ឬបង្អែមជាសំណែនតែប៉ុណ្ណោះ ដូច្នេះការសែនជីវិតគឺខុសពីអ្វីដែលលោកចង់បាន ។

រូបចម្លាក់គ្រូកៃកែវកំពុងល្បីល្បាញយ៉ាងខ្លាំងនៅប្រទេសថៃ ជាពិសេសព្រឹកថ្ងៃទី ៩ ខែសីហា ខណៈគេកំពុងដឹករូបចម្លាក់នេះ មានការកកស្ទះចរាចរណ៍ប្រហែល ២ ម៉ោងឯណោះ ។

អ្នកខ្លះជឿថា គ្រូកៃកែវ ឬ គ្រូបាកៃកែវ គឺជារាជគ្រូដែលព្រះបាទជ័យវរ្ម័នទី ៧ គោរព ប៉ុន្តែលោក តុងថុង ចាន់ដារ៉ាន់ស៊ូ អ្នកប្រាជ្ញប្រវត្តិសាស្ត្រមិនដែលឮពីពាក្យចចាមអារ៉ាមនេះទេ ៕

ប្រែសម្រួល៖ វារី

ប្រភព៖ bangkokpost

ចុចអាន៖ មកស្គាល់កំពូលអាទិទេព ១០ អង្គ នៅក្នុងទេវកថា ក្រិក