ស្វីស ជាប់ជាប្រទេសល្អផ្តាច់គេលើលោក ប្រចាំឆ្នាំ២០២៣

យោងតាមប្រព័ន្ធផ្សព្វផ្សាយឌីជីថល US News & World Report ដែលមានមូលដ្ឋាននៅទីក្រុងវ៉ាស៊ីនតោនឌីស៊ី បានបង្ហាញថា ស្វីស គឺជាប្រទេសល្អដាច់គេនៅលើពិភពលោកសម្រាប់ឆ្នាំ២០២៣ បន្ទាប់មកគឺកាណាដា ស៊ុយអែត អូស្ត្រាលី សហរដ្ឋអាមេរិក ជប៉ុន អាល្លឺម៉ង់ នូវែលសេឡង់ ចក្រភពអង់គ្លេស និងហូឡង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក ក្នុង​ចំណោម​ប្រទេស​អាស៊ាន សិង្ហបុរី​ជាប់​លេខ​១៦ ថៃលេខ២៩ ម៉ាឡេស៊ី​លេខ​៣៨ ឥណ្ឌូណេស៊ី​លេខ​៤១ ហ្វីលីពីន​លេខ​៤៣ វៀតណាម​លេខ​៤៤ កម្ពុជា​លេខ​៦៤ និង​មីយ៉ាន់ម៉ា​លេខ​៨០។

យ៉ាងណាមិញ អ៊ីរ៉ង់​ស្ថិត​នៅ​បាត​តារាងក្នុង​ឆ្នាំ​នេះ។ ក្រៅពីអ៊ីរ៉ង់ បើរាប់ចាប់ពីបាតតារាងមកវិញ ប្រទេសដែលមិនល្អរួមមាន បេឡារុស, លីបង់, កាហ្សាក់ស្ថាន, អ៊ូសបេគីស្ថាន, ស៊ែប៊ី, ហុងឌូរ៉ាស, មីយ៉ាន់ម៉ា, អាល់ហ្សេរី, និងកាមេរូន។

គួរបញ្ជាក់ថា ប្រទេសទាំងឡាយ​ត្រូវ​បាន​ចាត់​ចំណាត់​ថ្នាក់​ដោយ​យោង​ទៅ​តាម​លក្ខណៈ​ចំនួន៧៣ ហើយពិន្ទុត្រូវបានគេដាក់ដោយ​ផ្អែក​លើកត្តានានាដូចជា៖ ដំណើរផ្សងព្រេង ភាពរហ័សរហួន ឥទ្ធិពលវប្បធម៌ ភាពជាសហគ្រិន បេតិកភណ្ឌ ការបើកចំហសម្រាប់អាជីវកម្ម ថាមពល គុណភាពនៃជីវិត និងគោលបំណងសង្គម៕

ប្រែសម្រួល៖ Vann Vann

ប្រភព៖ Nation

ចុចអាន៖ បាងកក ជាប់លេខ១លើលោក ជាទីក្រុង មានទេសចរទៅលេងច្រើនបំផុត ក្នុងឆ្នាំ២០២៣