ទើបចេញពីពិធីមង្គលការ រថយន្តសាំយ៉ុងមួយគ្រឿងបើកធ្លាក់ប្រឡាយទឹក ស្លាប់៤នាក់និងរបួសជាច្រើននាក់

មនុស្ស៤នាក់បានស្លាប់ និង ច្រើនាក់ផ្សេងទៀតបានរងរបួសក្នុងហេតុការណ៍គ្រោះថ្នាក់ចរាចរណ៍ដោយរថយន្ដសាំងយ៉ុងមួយគ្រឿងបើកធ្លាក់ប្រឡាយទឹក ខណៈគេសង្ស័យថា មានម្នាក់ទៀតជាក់ក្នុងរថយន្ដ។

ករណីនេះបានកើតឡើងនៅចំណុចភូមិក្រាំង ឃុំធាយ ស្រុកបាភ្នំ ខេត្តព្រៃវែង កាលពីម៉ោងជាង៨យប់ ថ្ងៃទី២៤ ខែកញ្ញា​ ឆ្នាំ២០២៣។

បើតាមរបាយការណ៍របស់ស្នងការដ្ឋាននគរបាលខេត្តព្រៃវែងបានឲ្យដឹងថា នៅមុនពេលកើតហេតុរថយន្តខាងលើបានដឹកអ្នកដំណើរមកពីពិធីមង្គលការមួយ នៅភូមិពោន ឃុំទឹកថ្លា ស្រុកស្វាយអន្ទរ ខេត្តព្រៃវែង លុះមកចំណុចកើតហេតុ បានធ្លាក់ប្រឡាយទឹក បណ្ដាលឱ្យមនុស្ស ៤នាក់បានស្លាប់, ៥នាក់ផ្សេងទៀត បានរួចរស់ជីវិត និងម្នាក់ទៀតកំពុងជាប់ក្នុងរថយន្ត ។

បន្ទាប់ពីកើតហេតុ កម្លាំងនគរបាលស្រុកបាភ្នំ បានចុះអន្តរាគមន៍ជួយសង្រ្គោះជនរងគ្រោះ និងស្រង់យកសាកសព​អ្នកដែលស្លាប់មកលើគោក៕