ភរិយា Beckham ទម្លាយរឿងស្វាមីមានស្រី កាលពី ២០ឆ្នាំមុន

ពាក្យចចាមអារ៉ាមមានស្រីរបស់ស្វាមីអ្នកច្នៃម៉ូដ Victoria Beckham កាលពី​ ២០ឆ្នាំ​ ធ្លាប់បង្កការចាប់អារម្មណ៍យ៉ាងខ្លាំងក្នុងរង្វង់សិល្បៈ ប៉ុន្តែពេលនោះទោះបីជាផ្ទុះរឿងអាស្រូវស្នេហាយ៉ាងណា​ ក៏ភរិយារូបនេះ មិនចេញបកស្រាយសូម្បីបន្តិច។

រក្សាភាពស្ងៀមស្ងាត់រហូតដល់ ​២០ឆ្នាំ ពេលនេះទើបភរិយាអតីតកីឡាករបាល់ទាត់ David Beckham ព្រមទម្លាយរឿងហេតុដែលកើតឡើងកាលពីពេលនោះ។ Victoria សារភាពថា ពេលនោះជាពេលពិបាកបំផុតនៃចំណងអាពាហ៍ពិពាហ៍របស់នាង គឺជាពេលដែល Rebecca Loos អះអាងថាមានទំនាក់ទំនងស្នេហាជាមួយស្វាមីរបស់នាង ខណៈនាង និងស្វាមីលែងមានអារម្មណ៍ល្អនឹងគ្នាដូចមុន។

មុនផ្ទុះព័ត៌មានអាស្រូវស្នេហា ក្នុងឆ្នាំ២០០៣ ប្តីប្រពន្ធនេះបានរៀបការតាំងពីឆ្នាំ១៩៩៩ ប៉ុន្តែរៀបការរួចមិនទាន់ ៤ឆ្នាំស្រួលបួល ជីវិតអាពាហ៍ពីពាហ៍ចាប់ផ្ដើមរកាំរកូស ពោលគឺនៅពេលដែល David Beckham បានផ្លាស់ទៅក្លឹប Real Madrid ហើយពួកគេត្រូវរស់បែកគ្នា។

អំឡុងពេលនោះ ស្វាមីត្រូវរស់នៅអេស្ប៉ាញ ឯភរិយារស់នៅឯអង់គ្លេស។ ពេលនោះហើយដែលព័ត៌មាន David Beckham មានស្រីបានផ្ទុះឡើង។ តាមពិតជីវិតអាពាហ៍ពិពាហ៍របស់អ្នកទាំងពីរពេលនោះ មិនល្អឡើយ ពោលគឺពួកគេសុទ្ធតែរងសម្ពាធរៀងខ្លួន។ វាគឺជាពេលដែលអ្នកទាំងពីរទាស់ទែងគ្នា ប្រសិន Victoria ចិត្តមិនធ្ងន់ទេ ពួកគេទំនងលែងលះគ្នាបាត់ទៅហើយ។

ទោះបីកាលណោះ មានរឿងទាស់ទែងខ្លាំងក្នុងរវង្វង់គ្រួសារ ​សឹងលែងបន្តជីវិតប្ដីប្រពន្ធបាន ប៉ុន្តែដោយសារ Victoria មិនចេញបកអាក្រាតស្វាមី និងមិនបានចេញមកនិយាយពីទុក្ខលំបាករបស់នាងជាសាធារណៈ ព័ត៌មានចចាមអារ៉ាមចាប់ផ្ដើមរលត់ទៅ ហើយប្ដីប្រពន្ធមួយគូនេះនៅតែបន្តរស់នៅជាមួយគ្នាយ៉ាងមានសុភមង្គលដូចបច្ចុប្បន្ន ដែលគិតត្រឹមឆ្នាំ២០២៣ ពួកគេរស់នៅជាមួយគ្នាបាន​ ២៤ឆ្នាំ ព្រមទាំងមានកូនស្រីចំនួន ៤នាក់៕

ប្រែសម្រួល៖ សន្យា

ចុចអាន៖ រូបមន្តថែសាច់ឱ្យចាំរបស់ភរិយា David Beckham ទោះឈានចូលវ័យ ៤៩ឆ្នាំ

ចុចអាន៖ អាយុទើប ១២ឆ្នាំ កូនស្រីពៅ Beckham មានទេពកោសល្យមិនចេះតិច