វីរុសបំប្លែងខ្លួន ៤,០០០ប្រភេទ កំពុងអុកឡុក ពិភពលោក

ចក្រភពអង់គ្លេសបាននិយាយថា ពិភពលោកកំពុងប្រឈមមុខនឹងវីរុសបំប្លែងខ្លួន ៤,០០០ប្រភេទ។ វីរុសទាំងនេះ បានបង្កើតបានជាមេរោគផ្សេងៗគ្នា ហើយខ្លះបង្កើតបានជាមេរោគកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីរុសរាប់ពាន់ប្រភេទត្រូវបានគេកត់ត្រាថា មានបម្រែបម្រួលរួមទាំងវីរុសចក្រភពអង់គ្លេស ​អាហ្រ្វិកខាងត្បូងនិងប្រេស៊ីលដែលរីករាលដាលឆាប់រហ័សជាងវីរុសដទៃផងដែរ។

រដ្ឋមន្រ្តីក្រសួងទទួលបន្ទុកផ្នែកវ៉ាក់សាំងអង់គ្លេស លោក Nadhim Zahawi បាននិយាយថា វាទំនងថា វ៉ាក់សាំងបច្ចុប្បន្ននឹងមានប្រសិទ្ធភាពប្រឆាំងនឹងវីរុសបំប្លែងខ្លួនថ្មី។

លោក Zahawi បានប្រាប់ Sky News ថា “ក្រុមហ៊ុនផលិតវ៉ាក់សាំង Pfizer-BioNTech, Moderna, Oxford-AstraZeneca និងក្រុមហ៊ុនដទៃទៀត កំពុងពិនិត្យមើលវិធីដែលពួកគេអាចធ្វើឲ្យប្រសើរឡើងនូវវ៉ាក់សាំងរបស់ពួកគេដើម្បីបញ្ជាក់ឲ្យប្រាកដថា យើងត្រៀមខ្លួនរួចរាល់សម្រាប់វីរុសណាមួយ”។

យោងតាមទស្សនាវដ្តីវេជ្ជសាស្ត្រអង់គ្លេសបានឲ្យដឹងថា ខណៈពេលដែលបម្រែបម្រួលរាប់ពាន់ បានកើតឡើងនៅពេលវីរុសផ្លាស់ប្តូរការចម្លង មានតែវីរុសតិចតួចប៉ុណ្ណោះដែលគេមើលឃើញថា សំខាន់និងធ្ងន់ធ្ងរ។

គួរបញ្ជាក់ថា គិតត្រឹមថ្ងៃទី០១ ខែមេសា ឆ្នាំ២០២១ វីរុសកូរ៉ូណាឬគេស្គាល់ថា SARS-CoV-2 បានសម្លាប់មនុស្សចំនួន២,៨៣០,៤៦៧នាក់នៅទូទាំងពិភពលោក ចាប់តាំងពីវាបានលេចចេញនៅក្នុងប្រទេសចិនកាលពីចុងឆ្នាំ២០១៩៕

ប្រែសម្រួលដោយ៖ Vann Vann

ប្រភព៖ Reuters

ចុចអាន៖ ទ្វីបអាមេរិក កំពុងរងការវាយលុកដោយវីរុសបំប្លែងខ្លួនថ្មី ៣ប្រភេទ