ទ្វីបអាមេរិក កំពុងរងការវាយលុកដោយវីរុសបម្លែងខ្លួនថ្មី ៣ប្រភេទ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ទ្វីបអាមេរិក កំពុងរងការវាយលុកដោយវីរុសបម្លែងខ្លួនថ្មី ៣ប្រភេទ

Published

on

លោកស្រី Carissa Etienne ប្រធានអង្គការសុខភាព Pan American បាននិយាយកាលពីថ្ងៃពុធថា វីរុសបម្លែងខ្លួនថ្មី៣ប្រភេទ ត្រូវបានគេរកឃើញក្នុងប្រទេសចំនួន២០នៅទ្វីបអាមេរិក ដែលជាហេតុបង្កឲ្យមានការព្រួយបារម្ភកាន់តែខ្លាំងអំពីការឆ្លងកម្រិតខ្ពស់។

ថ្វីបើភាពញឹកញាប់នៃបម្រែបម្រួលថ្មីនៅតែមានកំរិតក៏ដោយ ក៏អ្នកជំនាញផ្នែកសុខភាពបានព្រមានថា វីរុសទាំងនោះអាចនាំឲ្យមានការរីករាលដាលនៃជំងឺរាតត្បាតថ្មី។

យោងតាមទិន្នន័យរបស់មជ្ឈមណ្ឌលគ្រប់គ្រងនិងបង្ការជំងឺសហរដ្ឋអាមេរិក (CDC) បានបង្ហាញថា សហរដ្ឋអាមេរិកបានកត់ត្រាការឆ្លងវីរុសបម្លែងខ្លួនថ្មីចំនួន៥៤៦ករណី នៅក្នុងរដ្ឋយ៉ាងហោចណាស់៣៣គិតត្រឹមថ្ងៃអង្គារ។

ភាគច្រើននៃករណីទាំងនេះ, មាន៥៤១ករណីបណ្តាលមកពីវ៉ារ្យ៉ង់ដែលត្រូវបានគេស្គាល់ថា B.1.1.7 ដែលត្រូវបានរកឃើញដំបូងនៅក្នុងចក្រភពអង់គ្លេស។

ទន្ទឹមនោះ គេរកឃើញករណីឆ្លងវីរុសអាហ្វ្រិកខាងត្បូង B.1.351 ចំនួន៣ករណីនិងវីរុសប្រេស៊ីល P.1​ ចំនួន២ករណី។

លោកស្រី Etienne និយាយថា មនុស្សជាង១.៨លាននាក់នៅទ្វីបអាមេរិកបានធ្លាក់ខ្លួនឈឺដោ​យសារជំងឺកូវីដ១៩និងជាង៤៧,០០០នាក់បានស្លាប់ ដោយសារជំងឺនេះកាលពីសប្តាហ៍មុន។

លោកស្រីបានព្រមានថា ផលប៉ះពាល់សុខភាព សង្គមនិងសេដ្ឋកិច្ចដោយសារជំងឺកូវីដ១៩បានជះឥទ្ធិពលយ៉ាងខ្លាំងដល់ស្ត្រី ហើយបានអំពាវនាវឲ្យមានការយកចិត្តទុកដាក់ខ្ពស់ចំពោះវិសមភាពយេនឌ័រដែលបង្កឡើងដោយជំងឺរាតត្បាត៕

ប្រែសម្រួលដោយ៖ Vann Vann

ប្រភព៖ Xinhua

ចុចអាន៖ WHO ៖ វីរុសកូរ៉ូណាបម្លែងខ្លួនប្រភេទថ្មីដែលរកឃើញនៅអង់គ្លេសកំពុងរាលដាលទូទាំងពិភពលោក

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services