បង្ហាញផ្លូវល្អឲ្យកូន! ចាស្មីន កូនស្រីច្បងអ្នកឧកញ៉ា ឡេង ណាវ៉ាត្រា បន្តចុះតាមខ្នងផ្ទះធ្វើសប្បុរសធម៌ជាមួយម្ដាយ

ចាស្មីន កូនស្រីច្បងរបស់អ្នកឧកញ៉ា ឡេង ណាវ៉ាត់ត្រា មួយរយៈចុងនេះសង្កេតឃើញតាមបណ្តាញសង្គម បានបន្តចុះការងារសប្បុរសធម៌ជាច្រើននៅតាមស្រុកភូមិជាមួយម្ដាយ ដោយចុះទៅចែកអំណោយដល់ជនក្រុមគ្រួសារមានជូវភាពក្រីក្រជាបន្តបន្ទាប់។ សកម្មភាពទាំងនេះធ្វើឲ្យមហាជនកោតសរសើរជាខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្មីៗនេះ ភរិយាអ្នកឧកញ៉ា ឡេង ណាវ៉ាត់ត្រា លោកជំទាវ ឈឺន ស្រីម៉ាច បានដឹកនាំក្រុមការងារ “មូលនិធិ ឡេងណាវ៉ាត្រា” យកអំណោយចែកជូនដល់ជនក្រីក្រមួយចំនួន ស្ថិតក្នុងភូមិក្រសាំង ឃុំឈូក ស្រុកឈូក ខេត្តកំពត។ នេះបើផ្អែកលើផេករបស់មូលនិធិ។ កុម៉ារី ចាស្មីន ដែលមហាជនស្គាល់ថា ជាកូនស្រីច្បងអ្នកឧកញ៉ាក៏ត្រូវបានអមដំណើរម្ដាយនាងប្រកបដោយស្នាមញញឹម ឥរិយាបទរម្យទុំ សុភាពរាបសារក្នុងស្មារតីមនុស្សធម៌។

តាមរយៈរូបភាពកុមារីម្នាក់នេះ ហាក់មិនក្រកាន់ខ្លួនឡើយ ដោយនាងស្លៀកពាក់ សាមញ្ញ ដូចក្មេងៗជនបទ ចុះដើរកាត់ វាលស្រែ ភក់ល្បាប់ មិនខ្លាចខ្ពើមរអើមឡើយ។ សកម្មភាពនេះ ត្រូវបានមហាជនកោតសរសើរជាខ្លាំង ដោយម្នាក់ៗលើកឡើងថា ក្មេងស្រីម្នាក់នេះ មានបេះដូងចែករំលែក មិនខុសពីឪពុកម្តាយនាងឡើយ។ ដូចពាក្យបុរាណ៖ ស្លឹកឈើជ្រុះមិនឆ្ងាយពីគល់។

អំណោយដែលមូលនិធិ ឡេងណាវ៉ាត្រា នាំទៅចែកនោះមានដូចជា អង្ករ ទឹកត្រី មី ត្រីខ ទឹកស៊ីអៀវ ប៊ិចសៀភៅ ការបូប នឹង ថវិការ ជាដើម៕